10 “‘Na sɛ ayɛmmoa+ na ɔde rebɛbɔ ɔhyew afɔre a, sɛ ɛyɛ odwennini kumaa oo, apɔnkye oo, ɔnhwɛ sɛ ɔde onini a ɔte apɔw na ɛbɛba.+ 11 Ɛsɛ sɛ wokum no wɔ Yehowa anim wɔ afɔremuka no fã a ɛhwɛ atifi fam no, na Aaron mma a wɔyɛ asɔfo no mfa mogya no mpete afɔremuka no so nhyia.+

3 “‘Sɛ ɔsɔfo a wɔasra no+ yɛ bɔne bi+ na ɛma ɔman no di fɔ a, ɛnde ɔmfa nantwinini kumaa a ɔte apɔw mmɔ ne bɔne no ho afɔre mma Yehowa.+ 4 Ma ɔmfa nantwi no mmra ahyiae ntamadan no kwan ano+ wɔ Yehowa anim, na ɔmfa ne nsa nto aboa no apampam, na onkum no wɔ Yehowa anim.+