23 Mmoa nketenkete foforo a wotu na wɔwɔ nan anan a aka nyinaa yɛ mo akyiwade. 24 Eyinom ne nneɛma a ebegu mo ho fĩ. Obiara a obeso wɔn afunu mu no, ne ho rentew kosi anwummere.+ 25 Na obiara a ɔbɛma wɔn afunu so no, ɛsɛ sɛ ɔhoro n’ataade;+ ne ho rentew kosi anwummere.

8 Sɛ nea nsu fi ne ho sen no tew ntasu gu obi a ne ho tew so a, ɛsɛ sɛ onii no horo ne ntaade na oguare, nanso ne ho rentew kosi anwummere.

15 Obiara* a ɔbɛwe aboa a wawu anaa nea aboa bi atetew ne mu no,+ ɔyɛ kuromanni oo, ɔhɔho oo, ɛsɛ sɛ ɔhoro ne ntaade na ɔde nsu guare, nanso ne ho rentew kosi anwummere;+ anwummere na ne ho bɛtew.

4 Aaron asefo no mu barima biara a ɔyare kwata+ anaa nsu fi ne ho sen+ rentumi nni nneɛma kronkron no bi kosi sɛ ne ho bɛtew,+ na nea ne ho aka obi a efunu* agu ne ho fĩ+ nso rentumi nni. Saa ara na sɛ ɔbarima bi ho ba,+ 5 anaa ne ho ka aboa a ɔwea fam+ a ne ho ntew anaa ne ho ka obi a biribi agu ne ho fĩ a,+ ɔrentumi nni. 6 Obi* a ne ho bɛka biribi a ɛte saa no ho rentew kosi anwummere, na ɛnsɛ sɛ odi nneɛma kronkron no bi. Ɛsɛ sɛ ɔde nsu guare.+