19 Mo yerenom, mo mma nkumaa, ne mo nyɛmmoa (nyɛmmoa nso de, minim sɛ mowɔ pii), eyinom nkutoo na wɔbɛtena nkurow a mede ama mo no mu 20 kosi sɛ Yehowa bɛma mo nuanom ahome sɛnea wayɛ ama mo no, na wɔafa asaase a Yehowa mo Nyankopɔn de bɛma wɔn wɔ Yordan agya no. Ɛno akyi no, mubetumi asan aba asaase a mede ama mo no so.’+

14 Mo yerenom, mo mma, ne mo nyɛmmoa bɛka Yordan agya ha,* asaase a Mose de ama mo yi so.+ Mmarima a munim ko yiye nyinaa de,+ momfa mo akode na munni mo nuanom anim ntwa Yordan.+ Ɛsɛ sɛ moboa wɔn 15 kosi sɛ Yehowa bɛma mo nuanom asomdwoe sɛnea wama mo asomdwoe no, na wɔafa asaase a Yehowa mo Nyankopɔn de rema wɔn no. Muwie a, na moasan mo akyi abɛfa asaase a wɔde ama mo sɛ montena so no, asaase a Yehowa akoa Mose de ama mo wɔ Yordan agya wɔ apuei fam no.’”+

8 Manase abusuakuw no fã a aka no ne Rubenfo ne Gadfo kɔfaa wɔn agyapade a Mose de maa wɔn wɔ Yordan agya wɔ apuei fam no, sɛnea na Yehowa akoa Mose de ama wɔn dedaw no:+