14 Na Israelfo som Moab hene Eglon mfe 18.+

6 Na Israelfo no yɛɛ bɔne wɔ Yehowa ani so bio,+ enti Yehowa de wɔn hyɛɛ Midianfo nsa mfe ason.+ 2 Na Midianfo teetee Israelfo no.*+ Midianfo nti, Israelfo pɛɛ baabi wɔ mmepɔw mu, abodan mu, ne mmeae a ɛhɔ kɔ yɛ den* de wɔn ho kosiei.+ 3 Sɛ Israelfo yɛ afuw a, na Midianfo ne Amalekfo+ ne Apueifo+ abɛtow ahyɛ wɔn so. 4 Wɔba a, na wɔkyekye asoɛe wɔ hɔ tow hyɛ wɔn so, na na wɔsɛe wɔn asaase so nnɔbae nyinaa de kodu Gasa. Ná wonnyaw Israelfo biribiara a wobedi. Afei nso, na wonnyaw oguan anaa nantwi anaa afurum biara.+ 5 Ná wɔde wɔn nyɛmmoa ne wɔn ntamadan foro ba yuu te sɛ ntutummɛ.+ Ná wɔne wɔn yoma dɔɔso papaapa,+ na na wɔba asaase no so bɛsɛe no.

27 Eyi nti, wode wɔn hyɛɛ wɔn atamfo nsa+ ma wɔn ho hiahiaa wɔn.+ Nanso sɛ wɔkɔ ahohia mu a, wosu frɛ wo, na wo nso wufi soro hɔ tie wɔn; na wo mmɔborɔhunu bebrebe nti, woma wɔn agyefo ma wogye wɔn fi wɔn atamfo nsam.+