10 Ɛnna osen kerubim abien sisii Kronkron Mu Kronkronbea dan* no mu, na ɔde sika kɔkɔɔ faa ho.+ 11 Kerubim no,+ yɛka wɔn ntaban nyinaa bom a, ne tenten yɛ basafa 20; ntaban no baako tenten yɛ basafa anum, na ɛka ɔdan no fasu; ntaban no baako nso tenten yɛ basafa anum, na ɛka kerubim baako no ntaban. 12 Kerubim baako no nso ntaban baako tenten yɛ basafa anum, na ɛka ɔdan no fasu a ɛwɔ noho no; ntaban no baako nso tenten yɛ basafa anum, na ɛka kerubim baako no ntaban. 13 Kerubim abien no ntaban a wɔatrɛtrɛw mu no tenten yɛ basafa 20; wogyinagyina wɔn nan so, na wɔn anim kyerɛ ɔdan no mu.*

8 Ná kerubim no atrɛtrɛw wɔn ntaban mu wɔ Adaka no so. Enti kerubim no ntaban kataa Adaka no ne nnua a ɛhyehyɛ ho no so.+