21 Afei Mose de ne poma no kyerɛɛ ɛpo no so+ na Yehowa maa apuei mframa dennen bɔe anadwo no nyinaa, na epiaa nsu no kɔɔ akyi maa ɛpo no ase dan asaase kesee.+ Na nsu no mu paee abien.+ 22 Enti Israelfo no faa asaase a awo no so wɔ ɛpo no mfinimfini,+ na nsu no yɛɛ ɔfasu wɔ wɔn nifa ne wɔn benkum.+

17 Na asɔfo a wɔso Yehowa apam adaka no kɔɔ so gyinaa hɔ dinn wɔ asaase a ɛso awo so+ wɔ Yordan mfinimfini kosii sɛ Israel man no nyinaa faa asaase a ɛso awo so+ twaa Yordan wiei.

13 Ɛno akyi no, ɔfaa Elia ataade*+ a afi ne ho agu fam no, na ɔsan kogyinaa Yordan ano. 14 Ɛnna ɔde Elia ataade* a efii ne ho guu fam no bɔɔ nsu no mu, na ɔkae sɛ: “Ɛhe na Yehowa, Elia Nyankopɔn no wɔ?” Bere a ɔde bɔɔ nsu no mu no, emu pae kɔɔ ha ne ha, na Elisa twae.+