Ɔwɛn-Aban INTANƐT SO NHOMAKORABEA

Genesis 4:9, 10

Kyerɛw Kronkron—Wiase Foforo Nkyerɛase
- 9 Akyiri yi, Yehowa bisaa Kain sɛ: “Wo nua Habel wɔ he?” Ɛnna obuae sɛ: “Minnim. Adɛn, me na mehwɛ me nua no so anaa?” 10 Ɛnna Onyankopɔn kae sɛ: “Dɛn na woayɛ yi? Tie! Wo nua no mogya fi asaase so reteɛm frɛ me.+

Genesis 9:5

Kyerɛw Kronkron—Wiase Foforo Nkyerɛase
- 5 Afei nso, abɔde a ɛte ase biara a ɔbɛka mo mogya a ɛyɛ mo nkwa* agu no, mɛma wabu ho akontaa. Sɛ onipa ka ne yɔnko mogya gu a, mɛma wabu ho akontaa, efisɛ ɔyɛ ne nua.+

Deuteronomium 32:43

Kyerɛw Kronkron—Wiase Foforo Nkyerɛase
- 43 Amanaman, mo ne ne man ani nnye,+
  Obetua n’atamfo so ka,+
  Obebisa ne nkoa mogya afi wɔn nsam,+
  Na ɔbɛpata ama ne nkurɔfo asaase.”*

2 Ahene 9:24

Kyerɛw Kronkron—Wiase Foforo Nkyerɛase
- 24 Ɛnna Yehu twee agyan tow wɔɔ Yehoram akyi ma ekopuee ne komam, na otwa hwee ne teaseɛnam no mu.

2 Ahene 9:26

Kyerɛw Kronkron—Wiase Foforo Nkyerɛase
- 26 ‘“Ampa, nnɛra mihuu Nabot mogya+ ne ne mma mogya,” Yehowa asɛm ni, “asaase yi ara so na metua wo ka,”+ Yehowa asɛm ni.’ Enti ma no so tow no kyene asaase no so sɛnea Yehowa kae no.”+

2 Ahene 24:3, 4

Kyerɛw Kronkron—Wiase Foforo Nkyerɛase
- 3 Ɛyɛ Yehowa asɛm a ɔkae no na ampa ara ɛbaa mu wɔ Yuda so. Ɔkae sɛ ɔbɛtow wɔn afi n’anim akyene+ esiane bɔne a Manase yɛe nyinaa+ 4 ne mogya a edi bem a ohwie gui nti,+ efisɛ ɔde mogya a edi bem hyɛɛ Yerusalem ma. Ɛno nti Yehowa ampɛ sɛ ɔde bɔne no bɛkyɛ.+

Luka 11:49-51

Kyerɛw Kronkron—Wiase Foforo Nkyerɛase
- 49 Eyi nti na Onyankopɔn nyansa nso kae sɛ: ‘Mɛsoma adiyifo ne asomafo akɔ wɔn nkyɛn, na wobekum wɔn mu binom, na wɔatan ebinom ani. 50 Ɛno nti, adiyifo mogya a wɔahwie agu fi bere a wɔhyɛɛ wiase ase* no nyinaa, wobebisa afi awo ntoatoaso yi+ hɔ, 51 efi Habel mogya+ so kosi Sakaria a wokum no afɔremuka ne asɔrefi no ntam+ no mogya so.’ Yiw, mereka akyerɛ mo sɛ wobebisa afi awo ntoatoaso yi hɔ.