Ɔwɛn-Aban INTANƐT SO NHOMAKORABEA

Ɔwɛn-Aban INTANƐT SO NHOMAKORABEA

INTANƐT SO NHOMAKORABEA

Dwom 43:3

Kyerɛw Kronkron—Wiase Foforo Nkyerɛase
- 3 Soma wo hann ne wo nokware.+
  
  Ma emmedi m’anim;+
  Ma ɛnkyerɛ me kwan nkɔ wo bepɔw kronkron no so, ne wo ntamadan kɛse no mu.+

Mmebusɛm 6:23

Kyerɛw Kronkron—Wiase Foforo Nkyerɛase
- 23 Efisɛ mmara nsɛm no yɛ kanea,+
  Na mmara no yɛ hann,+
  Na nteɛso a animka de ba no yɛ nkwa kwan.+

Yesaia 51:4

Kyerɛw Kronkron—Wiase Foforo Nkyerɛase
- 4 O me nkurɔfo, muntie me;
  Me man, monyɛ aso mma me.+
  
  Na mmara befi me nkyɛn akɔ,+
  Na mede m’atɛntrenee betim hɔ de ayɛ hann ama aman.+

Romafo 15:4

Kyerɛw Kronkron—Wiase Foforo Nkyerɛase
- 4 Na biribiara a wɔakyerɛw ato hɔ no, wɔakyerɛw sɛ ɛnkyerɛkyerɛ yɛn,+ na yɛnam yɛn animia+ ne Kyerɛwnsɛm no mu awerɛkyekye so anya anidaso.+

2 Timoteo 3:16, 17

Kyerɛw Kronkron—Wiase Foforo Nkyerɛase
- 16 Kyerɛwnsɛm no nyinaa fi Onyankopɔn honhom mu,+ na eye ma nkyerɛkyerɛ,+ kasakyerɛ, nneɛma ateɛteɛ, na ɛteɛ yɛn so ma yɛyɛ nea ɛteɛ,+ 17 sɛnea ɛbɛyɛ a Onyankopɔn nipa bɛfata paa a wɔasiesie no yiye ama adwuma pa biara.

2 Petro 1:19

Kyerɛw Kronkron—Wiase Foforo Nkyerɛase
- 19 Enti nkɔmhyɛsɛm no, wɔama yɛahu sɛ edi mu paa; na eye sɛ moama mo ani aku ho sɛ kanea+ a ɛhyerɛn sum mu, kyerɛ sɛ, mo komam (kosi sɛ ade bɛkye ma adekyee nsoromma+ apue).