6 Ɛnna Yehowa kae sɛ: “Hwɛ! Wɔyɛ nnipa baako a wɔka kasa baako,+ na nea wɔafi ase reyɛ ni. Enti biribiara nni hɔ a wɔpɛ sɛ wɔyɛ a wɔrentumi nyɛ. 7 Ma yensian+ nkɔyɛ wɔn kasa basabasa na obiara ante ne yɔnko kasa.”

19 Yosef ka kyerɛɛ wɔn sɛ: “Munnsuro. Adɛn, meyɛ Onyankopɔn? 20 Mo de, na anka mopɛ sɛ moyɛ me bɔne,+ nanso na Onyankopɔn adwene ne sɛ ɔbɛma biribi pa afi mu aba na ɔde agye nnipa bebree nkwa, sɛnea ɛnnɛ ɔreyɛ yi.+

30 Nyansa ne nhumu ne afotu biara nni hɔ a ebetumi ne Yehowa adi asi.+

35 Asaase sofo nyinaa nsɛ hwee mma no, na ɔyɛ nea ɔpɛ wɔ ɔsoro asafo ne asaase sofo mu. Obiara nni hɔ a obetumi asiw no kwan*+ anaa obetumi aka akyerɛ no sɛ, ‘Ɛdɛn na woayɛ yi?’+

38 Ɛno nti, nea ɛrekɔ so seesei yi, nea mɛka akyerɛ mo ne sɛ, monnhaw saa mmarima yi. Mmom, munnyaa wɔn. Efisɛ sɛ nkyerɛkyerɛ yi anaa adwuma yi fi nnipa a, ebegu. 39 Na sɛ efi Onyankopɔn a, ɛnde morentumi ngu+ no. Anyɛ saa a, ɛbɛyɛ sɛ nea mo ne Onyankopɔn ankasa na ɛreko.”+