19 Efisɛ nnipa awiei wɔ hɔ, ɛnna mmoa nso awiei wɔ hɔ; wɔn nyinaa awiei yɛ baako.+ Sɛnea oyi wu te no, saa ara na oyi nso wu te; na wɔn nyinaa wɔ honhom baako.+ Enti onipa nkyɛn aboa, na ade nyinaa yɛ ahuhude. 20 Wɔn nyinaa kɔ faako.+ Wɔn nyinaa fi dɔte mu,+ na wɔn nyinaa san kɔ dɔte mu.+

2 Awiei koro no ara na ɛwɔ hɔ ma nnipa nyinaa,+ ɔtreneeni ne ɔbɔnefo,+ apapafo ne wɔn a wɔn ho tew ne wɔn a wɔn ho ntew, wɔn a wɔbɔ afɔre ne wɔn a wɔmmɔ afɔre. Apapafo ne abɔnefo nyinaa yɛ pɛ; nea ɔka ntam ne nea osuro sɛ ɔbɛka ntam nso yɛ pɛ. 3 Eyi ne ahometesɛm a ɛkɔ so wɔ wiase. Ɛne sɛ: Esiane sɛ awiei koro na ɛwɔ hɔ ma nnipa nyinaa nti,+ bɔne ahyɛ nnipa koma ma. Na wɔn nkwa nna nyinaa, abɔdamsɛm wɔ wɔn komam, na afei wowu!*

11 Mahu biribi foforo nso wɔ wiase. Ɛne sɛ, ɛnyɛ daa na ahoɔharefo di nkonim wɔ mmirikatu mu, na ɛnyɛ ahoɔdenfo na wodi nkonim ɔko mu,+ na ɛnyɛ daa na anyansafo nya aduan, na ɛnyɛ daa na wɔn a wɔn adwenem dɔ nya ahode,+ na ɛnyɛ daa na esi animdefo yiye;+ efisɛ asiane* to wɔn nyinaa bere a wɔnhwɛ kwan.