• Yesaia 56:6, 7
    Kyerɛw Kronkron—Wiase Foforo Nkyerɛase

    •  6 Na ahɔho a wɔaba Yehowa nkyɛn sɛ wɔrebɛsom no

      Na wɔadɔ Yehowa din,+

      Na wɔayɛ n’asomfo,

      Wɔn a wodi Homeda a wongu ho fĩ

      Na wokura m’apam mu denneennen nyinaa no,

       7 Me nso mede wɔn bɛba me bepɔw kronkron no so+

      Na mama wɔadi ahurusi wɔ me mpaebɔ fi.

      Wɔn hyew afɔre ne wɔn afɔre ahorow nyinaa, wobegye wɔ m’afɔremuka so.

      Na wɔbɛfrɛ me fi mpaebɔ fi ama aman nyinaa.”+

  • Yesaia 66:20
    Kyerɛw Kronkron—Wiase Foforo Nkyerɛase

    • 20 Wɔde mo nuanom nyinaa befi amanaman nyinaa mu abrɛ Yehowa+ sɛ akyɛde. Wɔbɛtenatena apɔnkɔ so, ɔko nteaseɛnam mu, nteaseɛnam a wɔakuru so mu, ne mfurumpɔnkɔ ne yoma a wɔn ho yɛ hare so, na wɔaba Yerusalem, me bepɔw kronkron no so sɛnea Israelfo de wɔn akyɛde gu ade* a emu tew mu ba Yehowa fi no,” Yehowa na waka.

  • Hesekiel 20:40
    Kyerɛw Kronkron—Wiase Foforo Nkyerɛase

    • 40 “Awurade Tumfo Yehowa asɛm ni, ‘Me bepɔw kronkron so, Israel bepɔw a ɛkorɔn no so+ na Israel fi nyinaa bɛsom me; wɔn nyinaa bɛsom me wɔ asaase no so.+ Ɛhɔ na megye wɔn atom, na mebisa mo ntoboa ne mo afɔrebɔde mu nea edi kan, mo nneɛma kronkron nyinaa.+