• Yeremia 34:15, 16
    Kyerɛw Kronkron—Wiase Foforo Nkyerɛase

    • 15 Mo de, nnansa yi ara,* mosesaa mo adwene, na moyɛɛ nea ɛteɛ wɔ m’ani so. Momaa mo nkoa faa wɔn ho dii, na moyɛɛ apam wɔ m’anim wɔ ofi a me din da so no mu. 16 Nanso mosan sesaa mo adwene, na muguu me din ho fĩ,+ efisɛ mutwaa mo ho kɔfaa nkoa ne mfenaa a mugyaa wɔn sɛ wɔmfa wɔn ho nni sɛnea wɔpɛ* no, na mosan hyɛɛ wɔn de wɔn yɛɛ nkoa.’

  • Mika 3:2-4
    Kyerɛw Kronkron—Wiase Foforo Nkyerɛase

    •  2 Nanso mukyi papa+ na modɔ bɔne;+

      Moworɔw me nkurɔfo ho were, na mowae wɔn nnompe ho nam.+

       3 Mowe me nkurɔfo honam nso,+

      Na moworɔw wɔn were fi wɔn ho,

      Mububu wɔn nnompe mu, na mutwitwa mu nketenkete,+

      Te sɛ nnompe a wɔde gu dadesɛn* mu noa, te sɛ nam a egu kwansɛn mu.

       4 Saa bere no, wobesu afrɛ Yehowa sɛ ɔmmoa wɔn,

      Nanso ɔremmua wɔn.

      Ɔde n’anim behintaw wɔn saa bere no,+

      Wɔn nneyɛe bɔne nti.+