• Yeremia 5:26-28
    Kyerɛw Kronkron—Wiase Foforo Nkyerɛase

    • 26 Efisɛ abɔnefo wɔ me nkurɔfo mu.

      Wɔtetɛw daa sɛnea nnomaayifo kotokotow no.

      Wosum afiri a edi awu.

      Nnipa na wɔde yi wɔn.

      27 Nnaadaa ayɛ wɔn afi ma,+

      Te sɛ ebuw a nnomaa ayɛ mu ma.

      Ɛno nti na wɔanya tumi na wɔanya wɔn ho no.

      28 Wɔadodɔ srade, na wɔayeyɛ nomenome.

      Bɔne adonnɔn wɔn.

      Wonni agyanka asɛm mma no,+

      Ɛno nti wodi yiye;

      Na wommu atɛn mma ahiafo.’”+

  • Mika 2:1, 2
    Kyerɛw Kronkron—Wiase Foforo Nkyerɛase

    • 2 “Wonnue! Wɔn a wɔbɔ pɔw bɔne,

      Wɔn a wodwen bɔne wɔ wɔn mpa so no!

      Ade kye a, nea wɔabɔ ho pɔw no, wɔyɛ,

      Efisɛ tumi wɔ wɔn nsam.+

       2 Wɔn ani bere mfuw, na wogye;+

      Wɔn ani bere afi nso, na wɔfa;

      Wosisi ɔbarima gye ne fi,+

      Na wosisi ɔbarima gye n’agyapade.