• Hesekiel 28:12, 13
    Kyerɛw Kronkron—Wiase Foforo Nkyerɛase

    • 12 “Onipa ba, to Tiro hene ho awerɛhow dwom,* na ka kyerɛ no sɛ, ‘Nea Awurade Tumfo Yehowa aka ni:

      “Sɛ yɛka obi a ne biribiara di mu a, na ɛyɛ wo.

      Ná nyansa ahyɛ wo ma,+ na w’ahoɔfɛ wie pɛyɛ.+

      13 Ná wote Eden, Onyankopɔn turom.

      Wɔde abohene nyinaa bi siesiee wo

      —Abohene kɔkɔɔ, topas abohene, ahwehwɛbo, sikaberebo, abohene tuntum, abohene ahabammono, hoabo, nsrammabo,+ ne ahabammonobo;

      Sika kɔkɔɔ na wɔde yɛɛ nsiase ne nsiso de abo yi nyinaa tetaree so.

      Da a mebɔɔ wo no, saa da no na meyɛɛ ne nyinaa.