26 Na wɔn a wɔwɔ Makedonia ne Akaia no ani agye sɛ wɔde wɔn nneɛma ama sɛ ntoboa de rekɔma akronkronfo a ɛwɔ Yerusalem no mu ahiafo.+ 27 Ɛwom, wɔde anigye na ɛyɛɛ saa, nanso na wɔde wɔn ka; efisɛ nneɛma a wonya fii Onyankopɔn hɔ no, amanaman no ne wɔn kyɛe. Enti ɛsɛ sɛ wɔn nso de wɔn nneɛma som wɔn bi.+

6 Bio nso, obiara a wɔkyerɛkyerɛ no asɛm no, ma ɔne nea ɔkyerɛkyerɛ no no nnya kyɛfa wɔ nneɛma pa nyinaa mu.+

15 Nea ɛwom ne sɛ, mo Filipifo, munim sɛ bere a mugyee asɛmpa no foforo na mifii Makedonia no, asafo biara ne me annya adekyɛ mu kyɛfa, gye mo nkutoo;+ 16 efisɛ bere a mewɔ Tesalonika no, mobrɛɛ me biribi ma mede yɛɛ nea mihia, moamfa amma pɛnkoro na mmom mprenu. 17 Ɛnyɛ sɛ merepɛ akyɛde, na mmom aba a ɛbɛma moanya mfaso* pii na ehia me.