19 Wɔn nti, meretew me ho,* sɛnea ɛbɛyɛ a nokware no bɛma wɔn nso ho atew.*

25 Okununom, monkɔ so nnɔ mo yerenom+ sɛnea Kristo nso dɔɔ asafo no na ɔde ne nkwa too hɔ maa asafo no,+ 26 sɛnea ɛbɛyɛ a ɔde asɛm no bɛyɛ nsu ahohoro asafo no ho atew ho.+ 27 Ɛno bɛma asafo no ho aba nyam wɔ n’ani so, a nkekae anaa mpomponoe anaa biribiara saa nni ho,+ na mmom ayɛ kronkron a dɛm biara nni ho.+

13 Nanso, anuanom a Yehowa* dɔ mo, yehu sɛ mo nti ɛsɛ sɛ yɛda Onyankopɔn ase daa, efisɛ Onyankopɔn paw mo+ fii mfiase sɛ mummenya nkwagye. Ne honhom a ɔde tew mo ho,+ ne gyidi a mowɔ wɔ nokware no mu no, ɛno na ɔnam so paw mo.

15 na mmom monyɛ kronkron mo nneyɛe nyinaa mu+ sɛnea Ɔkronkronni a ɔfrɛɛ mo no te no, 16 na wɔakyerɛw sɛ: “Monyɛ kronkron, efisɛ meyɛ kronkron.”+