28 Yesu ka kyerɛɛ wɔn sɛ: “Nokwarem mereka akyerɛ mo sɛ, bere a wɔayɛ nneɛma foforo a onipa Ba no te n’anuonyam ahengua so no, mo a mudi m’akyi yi bɛtena nhengua 12 so abu Israel mmusuakuw 12 no atɛn.+

28 “Nanso, mo na moda so bata me ho+ wɔ me sɔhwɛ mu;+ 29 na me ne mo reyɛ ahenni ho apam,+ sɛnea m’Agya ne me ayɛ apam no, 30 na moadidi anom me pon so wɔ m’Ahenni mu,+ na moatena nhengua so+ abu Israel mmusuakuw 12 no atɛn.+

21 Nea odi nkonim no,+ mɛma ɔne me atena m’ahengua so,+ sɛnea me nso midii nkonim na me ne m’Agya tenaa+ n’ahengua so no.

4 Na mihuu nhengua, na wɔn a wɔtete so no, wɔmaa wɔn tumi sɛ wommu atɛn. Yiw, mihuu wɔn a Yesu ho adanse a wodii ne Onyankopɔn ho asɛm a wɔkae nti wokunkum* wɔn no akra,* ne wɔn a wɔansom akekaboa no anaa ne honi no na wɔannye ahyɛnsode no wɔ wɔn moma so ne wɔn nsa ho+ no. Na wɔbaa nkwa mu, na wɔne Kristo dii ade+ mfe 1,000.