Beresosɛm Nhoma a Edi Kan
16 Enti wɔde nokware Nyankopɔn no Adaka no bae, na wɔde besii ntamadan a Dawid si maa no no mu;+ ɛnna wɔbɔɔ ɔhyew afɔre ne asomdwoe afɔre wɔ nokware Nyankopɔn no anim.+ 2 Bere a Dawid bɔɔ ɔhyew afɔre+ ne asomdwoe afɔre+ no wiei no, ɔde Yehowa din hyiraa ɔman no. 3 Bio nso, ɔmaa Israelfo nyinaa, ɔbarima ne ɔbea biara, paanoo kurukuruwa baako ne nkeresia* aba keeki ne bobe keeki. 4 Afei ɔpaw Lewifo no bi sɛ wɔnsom wɔ Yehowa Adaka no anim,+ na wɔnhyɛ Israel Nyankopɔn Yehowa anuonyam,* na wɔnna no ase nyi no ayɛ. 5 Asaf+ ne wɔn panyin, na Sakaria to so abien; ɛnna Yeiel, Semiramot, Yehiel, Matitia, Eliab, Benaia, Obed-Edom ne Yeiel+ bɔɔ asanku ahorow nyinaa bi;+ Asaf nso bɔɔ nnawuru,*+ 6 na ɔsɔfo Benaia ne ɔsɔfo Yahasiel hyɛn ntorobɛnto wɔ nokware Nyankopɔn no apam adaka no anim daa.
7 Saa da no ne bere a edi kan a Dawid hyehyɛɛ nnwom maa Asaf+ ne ne nuanom de daa Yehowa ase sɛ:
10 Momfa ne din kronkron no nhoahoa mo ho.+
Momma wɔn a wɔhwehwɛ Yehowa no koma nni ahurusi.+
11 Monhwehwɛ Yehowa+ ne n’ahoɔden.
Monhwehwɛ n’anim dom daa.+
12 Anwonwadwuma ne nsɛnkyerɛnne a wayɛ
Ne n’atemmusɛm no, monkae,+
13 Mo a moyɛ n’akoa Israel asefo*+
Ne Yakob mma a wapaw mo.+
14 Ɔno ne Yehowa, yɛn Nyankopɔn;+
N’atemmusɛm kodu asaase so baabiara.+
15 N’apam ne ɛbɔ a ɔhyɛɛ* awo ntoatoaso apem no,
Monkae nkosi daa;+
16 Ɛno ne apam a ɔne Abraham yɛe+
Ne ntam a ɔkaa Isak no.+
Na ɔde maa Israel sɛ daa apam.
18 Ɔkae sɛ: ‘Mede Kaanan asaase bɛma wo+
Sɛ agyapade a matwa ama wo.’+
21 Wamma obiara anhyɛ wɔn so,+
Na mmom wɔn nti ɔkaa ahemfo anim.+
22 Ɔkae sɛ: ‘Mommfa mo nsa nnka me nkurɔfo a masra wɔn no,
Na monnyɛ m’adiyifo bɔne.’+
23 Asaase nyinaa, monto dwom mma Yehowa!
Mommɔ ne nkwagye dawuru da biara!+
24 Monka n’anuonyam nkyerɛ amanaman;
Monka n’anwonwadwuma ho asɛm aman nyinaa mu.
25 Yehowa yɛ kɛse; ɔno na ayeyi sɛ no.
Ɔfata sɛ yesuro no sen anyame nyinaa.+
28 Mmusua a mowɔ aman nyinaa mu, momfa Yehowa nidi mma no;
Yehowa anuonyam ne n’ahoɔden nti, momfa nidi mma no.+
Monhyɛ ntaade kronkron mfa nkotow* Yehowa.*+
30 Asaase nyinaa, mo ho mpopo n’anim!
Asaase tim hɔ pintinn; ɛrenhinhim da.+
32 Momma po ne nea ɛwom nyinaa nworo so;
Momma kwae ne nea ɛwom nyinaa nni ahurusi.
35 Monka sɛ, ‘O yɛn nkwagye Nyankopɔn, gye yɛn,+
Boaboa yɛn ano, na gye yɛn fi amanaman no nsam,
Na yɛmfa aseda mma wo din kronkron no,+
Ɔman no nyinaa kae sɛ, “Amen!”* na woyii Yehowa ayɛ.
37 Ɛnna Dawid gyaw Asaf+ ne ne nuanom wɔ Yehowa apam adaka no anim sɛ daa wɔnsom wɔ Adaka no anim+ sɛnea ehia sɛ wɔyɛ da biara.+ 38 Ná Obed-Edom ne ne nuanom 68, ne Yedutan ba Obed-Edom ne Hosa yɛ apon ano ahwɛfo; 39 na ogyaw ɔsɔfo Sadok+ ne ne nuanom asɔfo no wɔ Yehowa ntamadan no anim wɔ sorɔnsorɔmmea* a ɛwɔ Gibeon+ no, 40 sɛ wɔmmɔ ɔhyew afɔre mma Yehowa wɔ ɔhyew afɔremuka no so daa, anɔpa ne anwummere, na wɔnyɛ nea Yehowa Mmara a wɔkyerɛw maa Israel no aka nyinaa;+ 41 Nnipa a wɔka ho ne Heman ne Yedutan+ ne wɔn a wɔaka a wɔbobɔɔ wɔn din paw wɔn; wɔn na wɔdaa Yehowa ase,+ efisɛ “ne dɔ nni huammɔ; ɛwɔ hɔ daa”;+ 42 ná Heman+ ne Yedutan a wɔka wɔn ho no bɔ ntorobɛnto ne nnawuru,* na wokurakura nneɛma a wɔde yi nokware Nyankopɔn no ayɛ,* na na Yedutan mma+ no wɔ pon ano. 43 Afei ɔmanfo no mu biara kɔɔ ne fi. Ɛnna Dawid nso kohyiraa ne fifo.