Hiob

 2 “Enti nsɛm yi nyinaa, obiara nka ho hwee?

Anaa kasa dodow na ɛma obi di bem?*

 4 Ka asɛm ma yentie a, wuse, ‘Me nkyerɛkyerɛ yɛ kronn,+

Na me ho tew wɔ w’anim.’+

 5 Wo de, twɛn ma Onyankopɔn nkasa,

Na ommue n’ano nkyerɛ wo!+

 6 Anka ɔbɛka nea ɛbɛma woahu nyansa akyerɛ wo,

Efisɛ nyansa ho nneɛma dɔɔso.

 7 Wubetumi ahu Onyankopɔn nneɛma a emu dɔ no anaa?

Anaa wubetumi ahu ade nyinaa so Tumfo no ho biribiara?*

 9 Ɛware sen asaase,

Na ɛtrɛw sen ɛpo.

10 Sɛ ɔretwam na ɔkyere obi, na ɔde no kɔ asɛnnibea a,

Hena na obetumi asiw no kwan?

12 Ɛda a sare so afurum bɛwo onipa no,*

Saa da no na obi a ne ti awu benya ntease.

13 Wo de, yɛ wo koma yiye

Na trɛw wo nsam kyerɛ no;

14 Sɛ woreyɛ bɔne a, gyae,*

Na mma amumɔyɛ biara nntena wo ntamadan mu.

15 Ɛba saa a, wubetumi ama w’ani so a woremfɛre;

Na wubegyina pintinn a worensuro.

16 Ɛbɛma wo werɛ afi wo haw;

Wobɛkae no sɛ nsu a abɛsen kɔ.

17 Wo nkwa bɛhyerɛn asen sɛnea owia hyerɛn awia ketee;

Na ne sum mpo bɛyɛ sɛ adekyee.

18 Wubenya awerɛhyem efisɛ anidaso wɔ hɔ.

Wobɛhwɛ wo ho nneɛma ahyia, na wobɛda dwoodwoo.

19 Wobɛda, na obiara renhunahuna wo.

Na nnipa bebree bɛba wo nkyɛn sɛ yɛ wɔn adom.

20 Abɔnefo de, wɔn ani renhu ade yiye.

Wɔrennya baabiara nguan nkɔ,

Na owu* nko ara na ɛbɛyɛ wɔn anidaso.”+