HABAKUK
1 Atemmusɛm a odiyifo Habakuk* nyaa ho anisoadehu ni:
2 O Yehowa, minsu nkosi da bɛn na woatie me?+
Mensrɛ wo hɔ mmoa nkosi da bɛn ansa na woagye me afi amumɔyɛsɛm mu?+
3 Adɛn nti na daa woma mihu adebɔne?
Adɛn nti na wohwɛ ma nhyɛso kɔ so?
Adɛn nti na m’ani tua adesɛe ne amumɔyɛsɛm?
Na dɛn nti na ɔham ne ntɔkwaw abu so saa?
4 Eyi nti mmara nyɛ adwuma,
Na obiara mmu atɛntrenee.
Efisɛ abɔnefo atwa atreneefo ho ahyia,
Ɛno nti na wɔkyea atemmu.+
5 “Monhwɛ amanaman no mu, na monhwɛ nea ebesi!
Montɛɛ mo anom nhwɛ na mo ho nnwiriw mo,
Efisɛ biribi besi wɔ mo bere so,
Na sɛ wɔka kyerɛ mo mpo a, morennye nni.+
Wotwiw fa asaase tɛtrɛɛ so
Kogye afi a ɛnyɛ wɔn de fa.+
7 Wɔyɛ ahuabɔbirim, na obiara suro wɔn.
Wɔhyehyɛ wɔn ankasa mmara, na wɔn tumi* na ɛyɛ adwuma.+
Wɔn apɔnkɔ de mmirika kitikiti,
Na wofi akyirikyiri reba.
Wotu fãã te sɛ ɔkɔre a ɔde ahoɔhare rekodidi.+
9 Wɔn nyinaa de asi wɔn ani so sɛ wobedi amumɔyɛsɛm.+
Sɛ wɔka bom na wɔreba a, wɔn anim te sɛ apuei mframa,+
Na wɔkyere nnipa a wɔn dodow te sɛ anwea de wɔn kɔ.
12 O Yehowa, wunni hɔ fi tete anaa?+
O me Nyankopɔn, me Kronkronni, wunwu da.*+
14 Adɛn nti na woma nnipa yɛ sɛ ɛpo mu mpataa,
Ne mmoa a wɔwea a obiara nni wɔn so?
15 Ɔde* darewa yi eyinom nyinaa;
Ɔde n’asau twe wɔn,
Na ɔboaboa wɔn ano wɔ n’atena mu.
Ɛno nti odi ahurusi kɛse.+
16 Ɛno nti na ɔbɔ afɔre ma n’asau
Na ɔbɔ afɔre* ma n’atena,
Efisɛ saa nneɛma no na ɛma onya ne ho,*
Na onya aduan pa.
17 Enti n’asau no, daa ɔbɛkɔ so abɔ no ma anaa?*
Ɔbɛkɔ so ara akunkum amanaman a ahummɔbɔ nnim anaa?+
Mɛkɔ so awɛn na matie asɛm a ɔde bɛsoma me,
Ne nea ɔteɛ me so a, mɛka.
2 Ɛnna Yehowa buaa me sɛ:
Sɛ ɛkyɛ* mpo a, kɔ so ara twɛn.*+
Efisɛ ɔkwan biara so ɛbɛba mu.
Ɛrenka akyi.
Ɔtreneeni de, ne nokwaredi* na ɛbɛma wanya nkwa.+
5 Esiane sɛ nsã yɛ okontomponi nti,
Ɔbarima a ɔyɛ ahomaso rennu ne botae ho.
Daa ɔboaboa amanaman no ano,
Na ɔka aman nyinaa boa ano ba ne nkyɛn.+
6 Enti eyinom nyinaa remmu no bɛ, wɔremmɔ no akutia, na wɔrenkasa ntwiw* no anaa?+
Wɔbɛka sɛ:
‘Nea ɔsesaw nneɛma a ɛnyɛ ne de nnue
—Enkosi da bɛn?—
Nea ɔma ne ho aka dɔɔso nnue!
7 Wɔn a wode wɔn ka no, wɔrensɔre nnyina mpofirim anaa?
8 Esiane sɛ woafom aman pii ho nneɛma nti,
Aman a aka nyinaa nso bɛfom wo ho nneɛma,+
Efisɛ wokaa nnipa mogya gui,
Na wode atirimɔdensɛm dii nsaase,
Nkurow, ne emu nnipa nyinaa.+
9 Nea ɔpɛ mfaso bɔne ma ne fifo,
Na ɔyɛ ne berebuw wɔ beae a ɛkorɔn,
Sɛnea ɛbɛyɛ a obegye ne ho afi mmusu mu no, onnue!
10 Woabɔ pɔw bɔne ma ɛde animguase aba wo fi,
Woakunkum nnipa pii de ayɛ bɔne atia wo ho.*+
11 Ɔbo besu wɔ ɔfasu mu,
Na mpuran agye so wɔ ɔdan no so.
12 Nea ɔde mogya kyekye kuropɔn
Na ɔnam amumɔyɛ so ma kurow tim no, onnue!
13 Hwɛ, ɛnyɛ asafo Yehowa na ɔma nnipa yɛ adwumaden ma ekowie ogya mu,
Na ɔma amanaman brɛ kwa anaa?+
15 Nea ɔma ne yɔnko biribi nom,
Na ɔde abufuw ne anibere ka ho ma ɔbow
Sɛnea ɛbɛyɛ a ɔbɛhwɛ n’adagyaw no, onnue!
16 Animguase na ɛbɛmee wo, ɛnyɛ anuonyam.
Wo nso nom bi na wonhu sɛ wontwaa wo twetia.*
Kuruwa a ɛwɔ Yehowa nsa nifa mu no bɛba wo so,+
Na animguase bɛkata w’anuonyam so.
17 Atirimɔdensɛm a wode dii Lebanon no bi bɛba wo so,
Na ɔsɛe a wode bɔɔ mmoa hu no bi bɛba wo so,
Efisɛ wokaa nnipa mogya gui
Na wode atirimɔdensɛm dii nsaase,
Nkurow, ne emu nnipa nyinaa.+
18 Sɛ odwumfo sen ohoni a,
Mfaso bɛn na ɛwɔ so?
Mfaso bɛn na ɛwɔ dade honi ne atoro kyerɛkyerɛfo so?
Mfaso bɛn na ɛwɔ so sɛ odwumfo de ne ho bɛto nea wayɛ so;
Anyamehunu a entumi nkasa?+
19 Nea ɔka kyerɛ dua sɛ: “Nyan!”
Na ɔka kyerɛ ɔbo a ɛnkasa sɛ: “Sɔre! Kyerɛkyerɛ yɛn!” no, onnue!
20 Yehowa de, ɔwɔ n’asɔrefi kronkron no mu.+
Asaase nyinaa, monyɛ komm wɔ n’anim!’”+
3 Odiyifo Habakuk mpae a ɔbɔɔ no te sɛ awerɛhow nnwom:*
2 O Yehowa, mate wo ho asɛm.
O Yehowa, wo nnwuma yɛ me nwonwa;
Ma ɛmmra wɔ mfe no mu!*
Ma ɛnna adi wɔ mfe no mu.*
Basabasayɛ bere no du a, kae na da wo mmɔborɔhunu adi.+
N’anuonyam kataa ɔsoro,+
Na n’ayeyi hyɛɛ asaase so ma.
4 Ná Ɔhyerɛn te sɛ owia hann.+
Hann abien pue fii ne nsam bae,
Na emu na na n’ahoɔden hyɛ.
6 Ɔtew gyinae, na ɔwosow asaase.+
Ɔhwɛɛ aman no, na ɛmaa wɔn ho popoe.+
Mmepɔw a ɛwɔ hɔ daa no dwiriw gui,
Na nkoko a atim hɔ fi tete no bɔɔ wɔn mu ase.+
N’akwan fi teteete.
7 Mihui sɛ amanehunu aba Kusan ntamadan mu.
Ntamadan a ɛwɔ Midian asaase so wosowee.+
8 O Yehowa, nsubɔnten nti anaa,
Nsubɔnten na ama w’abufuw redɛw anaa?
Ɛpo nti na wo bo afuw?+
9 W’agyan ho da hɔ na ayɛ krado.
W’akode* ayɛ krado sɛ ɛbɛyɛ adwuma sɛnea wɔaka ntam no.* (Sela)
Wode nsubɔnten paapae asaase mu.
10 Mmepɔw huu wo no, wɔn ho yeraw wɔn.+
Osu tɔɔ kɛse twiw faa asaase no so.
Subun de nne kɛse teɛɛm.+
Na ɛmaa ne nsa so kɔɔ soro.
11 Owia ne ɔsram gyinae wɔ wɔn tenabea kokuroo hɔ.+
W’agyan a ɛpa yerɛwyerɛw no twaam;+
Wo peaw hyerɛnee te sɛ anyinam.
12 Wode abufuw bɛfaa asaase so.
Na wode abufuw tiatiaa* amanaman no so.
13 Wufii adi sɛ worekogye wo man, sɛ worekogye nea woasra no no.
Ɔpanyin* a ɔda ɔbɔnefo
fi ano no, wububuu no pasaa.
Ofi no fapem ho daa hɔ kosii n’atifi.* (Sela)
14 Bere a wotu baa me so sɛ ahum sɛ wɔrebɛbɔ me ahwete no,
Wode n’ankasa akode hwirew n’asraafo ti mu.
Wɔn ani gyei paa sɛ wɔkɔtɛw baabi tow hyɛɛ ɔbrɛfo so.
15 Wode w’apɔnkɔ faa ɛpo mu;
Wode faa nsu pii a ɛrebu fa so mu.
Me nnompe hodwowee,+
Na me nan wosowosowee.
Nanso mɛyɛ dinn atwɛn ahohia da,+
Efisɛ ɛbɛba nkurɔfo a wɔtow hyɛ yɛn so no so.
17 Ebetumi aba sɛ borɔdɔma rengu nhwiren
Na bobe rensow aba;
Ebetumi aba sɛ wɔrennya hwee mfi ngodua so,
Na mfuw remma aduan;
Ebetumi aba sɛ nguan bɛsã wɔ nguammuw mu,
Na anantwi asã wɔ buw mu;
18 Nanso me de, medi ahurusi wɔ Yehowa mu,
Na m’ani agye me nkwagye Nyankopɔn mu.+
19 Awurade Tumfo Yehowa ne m’ahoɔden;+
Ɔbɛma me nan ayɛ sɛ ɔwansan de,
Na ɔde me bɛfa beae a ɛwɔ soro.+
Wɔde ma dwom kyerɛfo sɛ wɔmfa me sanku mmɔ.
Ebetumi akyerɛ, “Anigye Kɛse a Wɔde Yɛ Atuu.”
Anaa “anuonyam.”
Esiw anaa ɔfasu a wogyina so ko anaa wɔde bɔ kurow ho ban.
Ebetumi nso akyerɛ, “wɔn tumi ne wɔn nyame.”
Ebetumi nso akyerɛ, “yɛrenwu.”
Anaa “kasakyerɛ.”
Kyerɛ sɛ, atamfo a wɔyɛ Kaldeafo no.
Anaa “ɔhyew aduhuam.”
Nt., “aduan sɔkyee.”
Ebetumi nso akyerɛ, “Enti ɔbɛkɔ so atwe ne sekan anaa?”
Esiw anaa ɔfasu a wogyina so ko anaa wɔde bɔ kurow ho ban.
Anaa “ɛbɛkɔ yɔɔ.”
Anaa “aba awiei.”
Anaa “ɛyɛ sɛ nea akyɛ.”
Anaa “twɛn no denneennen.”
Anaa “Hwɛ! Ne kra ahoman.”
Ebetumi nso akyerɛ, “ne gyidi.”
Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
Anaa “biribiara mmee ne kra.”
Anaa “wɔrento aborɔme mfa ntwiw.”
Anaa “nneɛma a wonya wɔ ɔko mu.”
Anaa “wo kra.”
Ebetumi nso akyerɛ, “na kɔ afã-afã.”
Anaa “kwadwom.”
Ebetumi nso akyerɛ, “yɛn bere yi mu.”
Ebetumi nso akyerɛ, “yɛn bere yi mu.”
Hwɛ Nkyerɛkyerɛmu afã hɔ.
Anaa “nkwagye.”
Ebetumi nso akyerɛ, “W’agyan.”
Ebetumi nso akyerɛ, “Wɔaka ntam a ɛfa mmusua no ho no.”
Nt., “porow.”
Nt., “Eti.”
Nt., “ne kɔn.”
Nt., “me yam hyehyee me.”