Nsemmisa A Efi Akenkanfo Hɔ

Yesu ka kyerɛɛ ɔbarima bi a ɔsaa no yare sɛ: “Nyɛ bɔne bio, na nea ɛyɛ bɔne sen eyi anyɛ wo.” So na ɔkyerɛ sɛ yɛyare esiane sɛ yɛayɛ bɔne nti?

Dabi, ɛnyɛ sɛ ɔyare biara a ɛbɛba no fi bɔne pɔtee bi.

Yohane ti anum ka ɔbarima bi a na wayare mfe pii a Yesu saa no yare ho asɛm. Akyiri yi Yesu huu no asɔrefi hɔ baabi na ɔkae sɛ: “Hwɛ, wo ho ayɛ wo den; nyɛ bɔne bio, na nea ɛyɛ bɔne sen eyi anyɛ wo.​—Yohane 5:14.

Yɛn nyinaa nyaa bɔne ne sintɔ fii Adam mu. (Romafo 5:12) Ade biako a edi ho adanse ne sɛ ɛyɛ yɛn “awosu” sɛ ɛtɔ da bi a yɛn nyinaa yare. Ɛda adi sɛ ɔbarima a Yesu maa ne ho yɛɛ no den no yare esiane sintɔ a efi awo mu nti. Ɛdenam Onyankopɔn mmɔborohunu so no wɔsaa ɔbarima no yare na wɔkyerɛɛ no nkwagye kwan a ɛnam Yesu so. Afei na ɛsɛ sɛ odi Agyenkwa no akyi. Nanso, sɛ wanyɛ saa, na ɔdan kodi anidaho bɔne akyi a, biribi a ɛyɛ bɔne sen ɔyare bɛba no so; obedi bɔne a etia honhom ho fɔ, na wafata daa ɔsɛe.​—Mateo 12:31, 32.

June Da Biara Da Asɛm

(Wopɛ nsɛm a wɔahyehyɛ awie no a, hwɛ nhoma no mu)