Ɔde Dii Dwuma Sɛ Ɔkyerɛkyerɛ Mmoa

Obi a ɔkɔ ntoaso sukuu a ɔde nhoma Your Youth-Getting the Best out of It maa ne kyerɛkyerɛfo a ɔkyerɛ apɔw-mu-den ho ade bɔ amanneɛ sɛ:

“Ɔde kɔɔ fie na ɔkenkan ne nyinaa anadwo no ara. Ade kyee no obisae sɛ obetumi anya nhoma no 50 foforo ama sukuufo no, nanso na ɛsɛ sɛ ɛyɛ nea sukuu no so ahwɛfo no pene so ansa na wɔde adi dwuma.

“Asram asia akyi ansa na mitumi ne no susuw asɛm no ho bio. Mibisaa no sɛ ɔda so ara pɛ nhoma no. Ɔkae sɛ yiw, obegye 15 ama wɔn a wɔrefi ase no. Ɔde kyerɛkyerɛ mmofra bi a wɔwɔ Freemont, Michigan, ne mmofra bi a wɔwɔ faako a wɔhwɛ mmofra a ayayadeyɛ ama wɔaguan afi fie no ade.”

Akyiri yi ɔkyerɛkyerɛfo no kyerɛwee sɛ: “Meda wo ase sɛ womaa me Your Youth nhoma no bi. Akwankyerɛ a ɛwɔ mu no fi Bible mu na ɛyɛ nokware. Sɛ obiara di asetra kwan a wɔakyerɛkyerɛ mu pefee wɔ Bible mu no akyi a, anka yɛn wiase yi bɛyɛ beae a eye sɛ wɔtra.”

Nea ɛka saa nhoma yi fi 24 no ho ne: “Wo Ntade ne Sɛnea Wo te​—Ka Wo Ho Asɛm,” “Dɛn Nti na Ɛsɛ sɛ Wusua Ade wɔ Sukuu?” “So Ɛsɛ sɛ Wonom Nsa a Ano Yɛ Den?” “Nnwom Ne Asaw a Wopaw,” “So Nyansa Wɔ Ɔbarima ne Ɔbea Nna Mu Abrabɔ Pa Mu?” ne “Nhyehyɛe a Wɔyɛ Fi Adi ne Nantew a Edi Aware Anim.” Wubetumi anya saa mmoa pa a ɛma wotumi nya asetra pa no bi denam kratasin a ɛka ho yi a wobɛhyehyɛ na wode ¢23 aka ho de amana no so.

Mesrɛ mo, momfa Your Youth;​—Getting the Best out of It no biako mmana me. Mede ¢23 ahyɛ mu de retua ka.