Adeyɛ A Ɛnsɛ Sɛ Ɛpa Wo Ti So

“Monyɛ eyi mfa nyɛ me nkae.” Yɛn Awurade Yesu kaa saa ne nsɛm a yehu wɔ Luka 22:19 no, bere a ɔde nea wɔde bɛkae ne wu sii hɔ no. Yesu wu no na ebuee daa nkwa a wobenya wɔ paradise tebea horow mu ho anidaso ahorow ho kwan maa adesamma. Enti ne wu yɛ biribi a ɛsɛ sɛ yɛkae.

So saa afe yi wobɛkae?

Yɛsrɛ wo, pene nsa a Yehowa Adansefo reto afrɛ wo ma woabɛka wɔn ho akae ade titiriw yi so. Wɔbɛyɛ eyi bere a awia akɔtɔ akyi, da a ɛne Nisan 14 a ɛwɔ Bible mu ɔsram kalenda so hyia no. Hyɛ da no agyirae wɔ wo kalenda so na amma wo werɛ amfi. Ɛyɛ April 10, 1990.

Wo mpɔtam hɔ Yehowa Adansefo bɛkyerɛ wo beae ne bere pɔtee a wobɛyɛ ade yi wɔ baabi a wote no.