Ɛmaa Wɔhyɛɛ Kaa No bio

“HWƐ me nsateaa. So wohu nsakrae bi wɔ ho?” Ɔbarima bi de ne nsa kyerɛɛ Yehowa Ɔdansefo bea bi, na ohui ntɛm ara sɛ n’ayeforohyia kaa no nhyɛ no. Ɔkyerɛkyerɛɛ mu sɛ ontumi ne ne yere ntra bio, enti wɔasi gyinae sɛ wobegu aware no. Ɔdansefo no kaa sɛ “Dabi! Gye saa nhoma yi kenkan. Ɛbɛboa wo ama w’aware no ayɛ yiye.” Ɔde nhoma a wɔde sua Bible, Nimdeɛ A Ɛde Kɔ Daa Nkwa Mua maa no.

Nna bi akyi no, ɔbarima no de anigye san baa Ɔdansefo no hɔ. Ɔde ne nsa no kyerɛɛ no. Saa bere yi de na ɔhyɛ n’ayeforohyia kaa no. Ɔka kyerɛɛ no sɛ ɔne ne yere akenkan Nimdeɛ nhoma no, na seesei wɔn ani agye paa. Ɔkwan bi so no, nhoma no ankasa de kaa no ahyehyɛ wɔn nsateaa bio.

Bible mu afotu betumi aboa okunu ne ɔyere ma wɔada nokware dɔ adi akyerɛ wɔn ho wɔn ho. Eyi te saa efisɛ ɛnyɛ obiara na ɔkyerɛw Bible no sɛ yɛn Bɔfo no, a ɔka sɛ: “Me [Yehowa, NW], wo Nyankopɔn, mene nea ɔkyerɛ wo nea eye ma wo, na ogya wo kɔ ɔkwan a fa so no so.”—Yesaia 48:17.

[Ase hɔ asɛm]