Adeyɛ a Ɛnsɛ sɛ Ɛpa Wo Ti So

“Akyɛde pa nyinaa ne adekyɛde a ɛyɛ pɛ nyinaa” fi yɛn soro Agya, Nyankopɔn nkyɛn na ɛba.—Yakobo 1:17.

AKYƐDE a ɛsen biara a Onyankopɔn de ama adesamma a wɔtɔ sin ne nsiesiei a ɔnam so de begye wɔn denam ne Ba a ɔwoo no koro, Yesu Kristo so no. Yesu, yɛn Gyefo no wu na ɛma etumi yɛ yiye sɛ yebenya daa nkwa wɔ paradise asase so. Wɔ Luka 22:19 no, wɔhyɛ yɛn sɛ yɛnkae ne wu no.

Yehowa Adansefo de anigye to nsa frɛ wo sɛ wo ne wɔn mmɛbom nni Yesu ahyɛde no so. Wɔbɛyɛ afe afe adeyɛ yi bere a owia akɔtɔ wɔ da a ɛne Nisan 14 wɔ Bible mu kalenda so hyia—Kwasida, April 8, 2001. Hyɛ saa da yi nsow to hɔ sɛnea ɛbɛyɛ a wo werɛ mfi. Yehowa Adansefo a wɔwɔ wo mpɔtam hɔ no betumi akyerɛ wo baabi pɔtee a wobehyia ne bere ko no.