Yɛto Nsa Frɛ Wo sɛ Betie Ɔkasa Titiriw Bi
Wubetumi Anya Ahobammɔ Wɔ Wiase A Ɔhaw Wɔ Mu Yi Mu!
Wɔbɛma Bible ho ɔkasa yi wɔ wiase nyinaa wɔ aman bɛboro 230 so. Wɔ mmeae dodow no ara no, wɔbɛma ɔkasa no Kwasida, April 15, 2007. Dɛn na wobɛte? Sɛ nhwɛso no, susuw nsɛm a edidi so yi ho hwɛ:
Dɛn na ama nnipa ɔpepepem pii a wɔwɔ wiase no nyinaa te nka sɛ wonni ahobammɔ?
Bere bɛn paa na nnipa bɛtee nka sɛ wonni ahobammɔ?
Ɔkwan bɛn so na yebetumi anya ahobammɔ ankasa, na ɛhe na yebetumi anya no?
Kotie Bible ho ɔkasa a ɛho hia yi a wɔbɛma no wɔ mmeae ɔpehaha pii no, na wubenya mmuae no. Wɔ mmeae dodow no ara no, wɔbɛma ɔkasa no wɔ Yehowa Adansefo Ahenni Asa so wɔ baabi a wote no. Adansefo a wɔwɔ baabi a wote no ani begye ho sɛ wɔbɛkyerɛ wo bere ne baabi a wɔbɛma ɔkasa no. Yɛde anigye to nsa frɛ wo sɛ kotie Bible ho ɔkasa a ɛhyɛ nkuran a wɔbɛma wɔ ne bere mu yi no bi.