Ɛrekɔ So Dɛn?

Yɛreto tiles wɔ ɔdan a wɔda mu no abrannaa nyinaa so de awie ɛhɔ adwuma. Wɔ adan afoforo no mu no, wogu so reyɛ nnaka ne ɔdan mu nneɛma afoforo ho adwuma. Yɛayɛ kɔnkrɛt ntayaa ntrantraa ne adum a wɔde begye ɔdan no ho ban no awie na wobefi ase agye ban no nnansa yi ara. Yɛsɛee sika bɛboro cedi ɔpepem 5.4 August mu nkutoo wɔ adwuma no ho. Ntoboa a yɛn nsa kae wɔ August mu no nyinaa yɛ ¢233,849.06 na yɛda mo ase wɔ ɛno ho. Nanso, sɛ yɛhwɛ ɛka a yɛbɔ no a, ɛda adi sɛ yehia sɛ yɛyɛ pii wɔ ntoboayi mu na yɛatumi atua ka no. Yɛhwɛ kwan sɛ mode ayamye bɛyɛ eyi ho biribi.