Bere a Ɔmansin Sohwɛfo Abɛsra Mo

Yɛsrɛ sɛ anuanom nkae nsakrae a edidi so a wɔayɛ wɔ sɛnea wɔyɛ Teokrase Ɔsom Sukuu ne Ɔsom Nhyiam no Benada anwummere bere a ɔmansin sohwɛfo abɛsra mo asafo no. Sɛ wɔto dwom bɔ mpae de bue ano wie a, ɛsɛ sɛ wɔde dɔnhwerew fã yɛ sukuu dwumadi a ɛyɛ simma du ɔkyerɛkyerɛ kasa a wommisa nsɛm biara, Bible mu nsɛntitiriw, Bible akenkan, ne asuafo dwumadi no mu biako. Wɔde Ɔsom Nhyiam a wɔde dɔnhwerew fã yɛ bɛtoa so a wɔrento dwom mfa mfi ase, na wobetumi ayɛ mu nsakrae akyekyem afã abiɛsa a ebiara yɛ simma 10, anaa afã abien a ebiara yɛ simma 15 a nkaebɔ a wɔde bue ano biara nka ho. Bere a wɔato dwom awie no, ɔmansin sohwɛfo no de dɔnhwerew fã bɛyɛ ne dwumadi no na sɛ owie a, wɔato dwom abɔ mpae de awie. Sɛ woyi nnwonto ne mpaebɔ fi mu a, dwumadi no nyinaa bɛyɛ dɔnhwerew biako ne fã. Nhyehyɛe yi ma ɔmansin sohwɛfo no nya kwan hu sɛnea wɔyɛ nhyiam abien yi wɔ asafo no mu.