Asɛnka Akontaabu A Ɛka Akyi

Adawurubɔfo dodow no ara bɔ mmɔden de wɔn akontaabu ba ntɛm bosome biara. Saafo yi fata nkamfo. Nanso yɛahyɛ no nsow sɛ, adawurubɔfo bɛyɛ 3,000 ntaa mfa wɔn akontaabu mma ntɛm mma yɛmfa nka bosome biara de no ho. So wobɔ mmɔden sɛ wode w’asɛnka akontaabu bɛma ntɛm bosome biara?

Yɛrekae Asafo Nhoma Adesua so ahwɛfo sɛ wɔnhwɛ sɛ wɔn nsa bɛka wɔn kuw mufo nyinaa asɛnka akontaabu na wɔde ama ɔkyerɛwfo no ntɛm.

Ɛsɛ sɛ wogyigye asɛnka akontaabu a aka akyi no na wɔde ka bosome a edi hɔ no akontaabu no ho na wɔkan ɔdawurubɔfo no mprenu. Ɛsɛ sɛ asafo mu mpanyimfo no hu adawurubɔfo a wohia mmoa no na wɔboa wɔn ma wɔde wɔn akontaabu ba ntɛm. Bio nso, ɛsɛ sɛ wɔn a wɔretu kwan no kyerɛ mpanyimfo no ɔkwan a wɔbɛfa so de wɔn akontaabu aba ntɛm.

Ɛsɛ sɛ nhoma adesua so ahwɛfo no ne akyerɛwfo no bɔ mmɔden sɛ wɔbɛkan asɛnka akontaabu a ɛkaa akyi wɔ bosome a etwaam no mu na wɔde ka bosome a wɔrebu ho akontaa de no ho. Eyi ho hia na ama akontaabu no ayɛ pɛpɛɛpɛ. Ɛsɛ sɛ wɔde akontaabu no mena ansa na bosome no da a ɛto so 6 atwam. Sɛ ɛkɔba sɛ asɛnka akontaabu no ka akyi dodo a, ɔkyerɛwfo no betumi ayɛ fax anaa wafrɛ “Report Desk” a ɛwɔ Betel no wɔ telefon so. Yɛhyɛ mo nyinaa nkuran sɛ momfa mo akontaabu mma ntɛm bosome biara.—Luka 9:10a.