Nkaebɔ Ahorow

◼ Nhoma a yɛde bɛma December: Onipa a Ɔsen Biara a Watra Ase Pɛn anaa Suasua Ɔkyerɛkyerɛfo Kɛse No. January: Dɛn na Bible Kyerɛkyerɛ Ankasa? February: Sɛ mowɔ nhoma a edidi so yi bi a, mubetumi de ama: Is There a Creator Who Cares About You?, Nea Ɛde Abusua mu Anigye Ba, anaa The Bible—God’s Word or Man’s? March: Dɛn na Bible Kyerɛkyerɛ Ankasa?

◼ Yɛbɛyɛ afe 2011 Nkaedi no Kwasida, April 17, bere a owia akɔtɔ. Yɛredi kan de amanneɛbɔ yi ama sɛnea ɛbɛyɛ a anuanom betumi ahwehwɛ asa ahorow ato hɔ wɔ baabi a asafo pii hyiam wɔ Ahenni Asa biako so a ebehia sɛ wɔhwehwɛ adan foforo no.

◼ Yɛde 2010 Nkaedi nsato kratasin wɔ Borɔfo ne asafo biara kasa mu bɛmena mo nnansa yi ara. Sɛ mopɛ nsato kratasin wɔ kasa foforo bi a wɔka wɔ mo asasesin no mu a, monhyehyɛ Literature Request Form (S-14) no bi mfa mmena ntɛm ara.