Ɔsom Adwuma Nkɔso

Yɛde daa akwampaefo dodow a ɛsen biara 6,023 na efii ɔsom afe foforo ase wɔ September mu! Afei nso, nea ɛhyɛ nkuran ne sɛ nnɔnhwerew a yɛde ka asɛm no, nsɛmma nhoma a yɛde ma, ne Bible adesua dodow a yɛyɛ no nya nkɔanim bere nyinaa. Sɛ nhwɛso no, nsɛmma nhoma a yɛde mae saa ɔsram no dodow yɛ 675,143. Eyi boro September afe a etwaam de no so 82,000.

Nea ɛbɛyɛ na yɛakɔ so anya nkɔanim a ɛte saa no, wɔhyɛ mpanyimfo nkuran sɛ wɔnhwɛ sɛ asafo no wɔ nsɛmma nhoma a ɛdɔɔso bere nyinaa. Yɛkamfo mo nyinaa wɔ nsi ne mmɔden a mobɔe wɔ asɛnka adwuma no mu. Ɛyɛ ampa, “otwa adwuma no sõ.”—Mat. 9:37.