Teokrase Ɔsom Sukuu Ntĩmu

Wobesusuw nsɛmmisa a edidi so yi ho wɔ Teokrase Ɔsom Sukuu no mu wɔ dapɛn a efi ase April 26, 2010 mu. Sukuu sohwɛfo no de simma 20 bɛyɛ ntĩmu a egyina nneɛma a yɛasusuw ho wɔ March 1 kosi April 26, 2010 adapɛn no mu no so.

1. Bere a Naomi kae sɛ, “Yehowa abrɛ me ase, na ade nyinaa so Tumfoɔ no ama awie me bɔne” no, na ɔrepɛ akyerɛ dɛn? (Rut 1:21) [w05 3/1 kr. 27 nky. 1, 3]

2. Su ahorow bɛn na ɛmaa Rut yɛɛ “ɔbea pa”? (Rut 3:11) [w05 3/1 kr. 28 nky. 7]

3. Ɔkwan bɛn so na asɛm a Elkana kae sɛ, “minye mma wo nsen mmabarima du anaa” no hyɛɛ ne yere den? (1 Sam. 1:8) [w90-E 3/15 kr. 27 nky. 5-6]

4. Dɛn nti na na ɛmfata sɛ Israelfo srɛ sɛ wɔmma wɔn ɔhene? (1 Sam. 8:5) [w05 9/15 kr. 20 nky. 17; it-2-E kr. 163 nky. 1]

5. Ɔkwan bɛn so na Samuel a na ‘wabɔ akora na wafuw dwen’ no bɔɔ mpae maa afoforo de yɛɛ nhwɛso, na eyi kyerɛ dɛn? (1 Sam. 12:2, 23) [w07 6/1 kr. 29 nky. 14-15]

6. Dɛn nti na Saul daa ayamye soronko adi kyerɛɛ Kenifo no? (1 Sam. 15:6) [w05 3/15 kr. 22 nky. 10]

7. Dɛn nti na Ɔhene Saul bisaa Dawid sɛ, “Aberante, hena ba ne wo?” (1 Sam. 17:58) [w07 8/1 kr. 31 nky. 3, 5]

8. Dɛn na yebetumi asua afi nsɛnnennen a Dawid dii ho dwuma wɔ Gat no mu? (1 Sam. 21:12, 13) [w05 3/15 kr. 24 nky. 5]

9. Dɛn na Yonatan yɛe de kyerɛe sɛ ɔwɔ ɔdɔ ne ahobrɛase bere a ɛho behiae sɛ ɔboa n’adamfo Dawid na ɔhyɛ no nkuran no? (1 Sam. 23:17) [lv kr. 28 nky. 10, ase hɔ asɛm]

10. Dɛn na yesua fi Saul ne ɔkɔmfo bi a na ɔwɔ En-dor asɛm no mu? (1 Sam. 28:8-19) [w05 3/15 kr. 24 nky. 8]