Teokrase Ɔsom Sukuu Ntĩmu

Wobesusuw nsɛmmisa a edidi so yi ho wɔ Teokrase Ɔsom Sukuu no mu wɔ dapɛn a efi ase April 25, 2011 mu. Sukuu sohwɛfo no de simma 20 bɛyɛ ntĩmu a egyina nneɛma a yɛasusuw ho wɔ March 7 kosi April 25, 2011 adapɛn no mu no so.

1. Ɔkwan bɛn so na “aman no mu nnipa pii yɛɛ wɔn ho Yudafo”? (Ester 8:17) [w06 3/1 kr. 11 nky. 3]

2. Dɛn nti na wɔmaa Satan kwan ma obegyinaa Yehowa anim? (Hiob 1:6; 2:1) [w06 3/15 kr. 13 nky. 6; it-2-E kr. 16 nky. 4]

3. Ná Satan kyerɛ dɛn bere a obisae sɛ, “Wugye di sɛ Hiob suro Onyankopɔn kwa” no? (Hiob 1:9) [w94 11/15 kr. 11 nky. 6]

4. Dɛn nti na nim a yenim sɛ Yehowa yɛ “koma mu nyansafo ne tumi mu ɔhoɔdenfo” no ma yenya ne mu ahotoso? (Hiob 9:4) [w07 5/15 kr. 25 nky. 16; it-2-E kr. 1190 nky. 3]

5. Ɔkwan bɛn so na Elifas asɛm a ɛne sɛ onipa nom “amumɔyɛ sɛ nsu” no da Satan nsusuwii adi? (Hiob 15:16) [w10 2/15 kr. 20 nky. 1-2]

6. Dɛn na yebetumi asua afi Hiob sufrɛ a ɛwɔ Hiob 19:2 no mu? [w94 10/1 kr. 32 nky. 1-5]

7. Dɛn na ɛboaa Hiob ma ɔkɔɔ so dii nokware? (Hiob 27:5) [w09 4/15 kr. 6 nky. 17]

8. Sɛ afoforo hia mmoa a, dɛn na yebetumi ayɛ de asuasua Hiob? (Hiob 29:12, 13) [w02 5/15 kr. 22 nky. 19; w94 9/15 kr. 24 nky. 2]

9. Ɔkwan bɛn so na na Elihu afotu no yɛ soronko wɔ Hiob nnamfo baasa a wɔaka no de ho? (Hiob 33:1, 6) [w95 2/15 kr. 29 nky. 3]

10. Ɔkwan bɛn so na Yehowa anwonwadwuma a yesusuw ho no ka yɛn? (Hiob 37:14) [w06 3/15 kr. 16 nky. 4]