Ɔsom Adwuma Nkɔso

Ɔmantam nhyiam a na n’asɛmti ne “Kɔ So Bata Yehowa Ho!” a yefii ase wɔ afe 2010 mu no baa awiei January 9, 2011. Yɛyɛɛ ɔmantam nhyiam ahorow 61 wɔ mmeae 22, na nnipa dodow a ɛsen biara 248,156 na wɔbaa bi. Eyi boro nnipa a wɔbaa afe 2009 de no so 10,000. Ɛda adi sɛ nhyiam no ho nsato krataa a yɛkyekyɛe no nso ka ho bi na ɛma yenyaa nnipa dodow a ɛte saa.

Wɔbɔɔ nnipa 3,820 asu wɔ nhyiam ahorow yi ase. Momma yɛmmɔ mmɔden mfa nsɛm a yɛtee no nyɛ adwuma, titiriw nea ɛfa asɛnka ho no sɛnea ɛbɛyɛ a yɛbɛboa nnipa komapafo ma wɔahyira wɔn nkwa so ama Yehowa.—1 Tim. 2:4.