Mmofra Bisa Sɛ​—Mɛyɛ Dɛn Atumi Anya Nnamfo Pa?

Yehowa bɔɔ nnipa sɛ wɔne wɔn ho mmɔ na wɔmfa nnamfo. (Mmeb. 17:17; 18:1, 24) Nea ɛbɛyɛ na yɛn mu biara anya saa nnamfofa yi so mfaso no, ɛsɛ sɛ yɛhwɛ yiye bere a yɛrepaw nnamfo no. (Mmeb. 13:20) Sɛ wohwɛ Mmofra Bisa Sɛ—Mɛyɛ Dɛn Atumi Anya Nnamfo Pa? video no wie a, hwɛ sɛ wubetumi abua nsɛmmisa a edidi so yi anaa?

Nnianim Asɛm:

(1) Hena ne adamfo pa?

Nneɛma a Esiw Adamfofa Kwan:

(2) Sɛ wote nka sɛ wɔabu ani agu wo so a, dɛn na wubetumi ayɛ de adi so? (Filip. 2:4) (3) Dɛn nti na ɛsɛ sɛ yenya ɔpɛ sɛ yɛbɛma yɛn nipasu ayɛ papa, na henanom na wobetumi aboa yɛn ma yɛayɛ saa? (2 Kor. 13:11) (4) Dɛn na yebetumi ayɛ na abue kwan ma yɛanya nnamfo pii?—2 Kor. 6:13.

Wo ne Onyankopɔn Adamfofa:

(5) Yɛbɛyɛ dɛn atumi ne Yehowa anya abusuabɔ a emu yɛ den, na dɛn nti na mfaso wɔ so sɛ yɛbɛbɔ mmɔden ayɛ saa? (Dw. 34:8) (6) Sɛ yɛma Yehowa yɛ yɛn adamfo a ɔsen biara a, adamfofa a mfaso wɔ so bɛn na yebetumi ne nnipa anya?

Nnamfo Bɔne:

(7) Henanom ne nnamfo bɔne? (1 Kor. 15:33) (8) Ɔkwan bɛn so na nnamfo bɔne betumi asɛe yɛne Yehowa ntam?

Ɛnnɛ Bere Mu Drama:

(9) Dɛn na yesua fi Bible mu asɛm a ɛfa Dina ho no mu? (Gen. 34:1, 2, 7, 19) (10) Dɛn na Tara yɛ de kyerɛe sɛ ɔne mmofra a wonni gyidi no mu fekubɔ no fata? (11) Asiane ahorow bɛn na Tara sukuu nnamfonom ma ohyiae? (12) Dɛn nti na Tara awofo antumi anhu asiane a na ɔwom no, nanso su bɛn na wɔdaa no adi de boaa no ma ɔsan yɛɛ den wɔ honhom fam? (13) Ɔkwan bɛn so na onuawa kwampaefo bi daa no adi sɛ ɔyɛ adamfo pa ma Tara? (14) Asuade soronko bɛn na Tara nyae?

Awiei:

(15) Dɛn na woasua afi video yi mu? (16) Ɔkwan bɛn so na wubetumi de video yi aboa afoforo?

Momma yɛmpaw nnamfo a wɔbɛboa yɛn ma yɛakɔ so ne Onyankopɔn anya adamfofa a ɛsen biara!—Dw. 15:1, 4; Yes. 41:8.