Ɔsoro Foforo ne Asase Foforo no Bɛma Yɛadi Ahurusi Kɛse

Ɛbɔ a Onyankopɔn ahyɛ wɔ Yesaia ti 65 sɛ ɔbɛyɛ biribiara foforo no, sɛnea ɛte biara ɛbɛbam. Enti Yehowa kaa no te sɛ nea egu so renya mmamu.

Yehowa rebɔ ɔsoro foforo ne asase foforo, na yɛrenkae kan nneɛma no bio

65:17

Ɛdɛn ne ɔsoro foforo no?

• Ɛyɛ aban foforo a ɛde trenee bɛba asase so

• Efii ase dii tumi afe 1914 bere a Kristo bɛyɛɛ Onyankopɔn Ahenni no so Hene no

Ɛdɛn ne asase foforo no?

• Ɛyɛ nnipa a wofi aman, kasa, ne mmusua nyinaa mu. Wofi wɔn komam brɛ wɔn ho ase ma ɔsoro nniso foforo anaa aban no

Wɔka sɛ yɛrenkae kan nneɛma no bio a, ɛkyerɛ sɛn?

• Nneɛma a yɛkae a ɛma yedi yaw no, ne nyinaa befi hɔ​—honam mu yaw oo, adwene mu yaw oo, awerɛhow oo, ne nyinaa betwam

• Nnipa anokwafo ani begye wɔn nkwa nna nyinaa. Da biara nea ɛbɛkɔ so no bɛyɛ anigye nko ara; yɛrenkae biribiara nsu