Ahotoso a Wowɔ Sɛ Yehowa Betumi Agye Wo No, Hyɛ Mu Den

Kenkan Numeri 13:25–14:​4, na wubehu sɛ na Israelfo no nni Yehowa mu ahotoso.

Kenkan ho nsɛm pii. Bere a Israelfo no fii Egypt no, adɛn nti na anka ɛsɛ sɛ wɔnya ahotoso sɛ Yehowa betumi agye wɔn? (Dw. 78:​12-16, 43-53) Dɛn na ɛma wɔhweree Yehowa mu ahotoso? (Deut. 1:​26-28) Dɛn na Yosua ne Kaleb yɛe a na ɛkyerɛ sɛ wɔwɔ Yehowa mu ahotoso?—Num. 14:​6-9.

Yɛ ho nhwehwɛmu. Ahotoso a na Israelfo no wɔ wɔ Yehowa mu no, dɛn na anka wɔbetumi ayɛ na ayɛ kɛse? (Dw. 9:10; 22:4; 78:11) Dɛn na ɛbɛboa yɛn ama yɛde yɛn ho ato Yehowa so?—Num. 14:11.

Hwehwɛ asuade no. Bisa wo ho sɛ:

• Tebea ahorow bɛn na ebetumi ama ayɛ den paa sɛ mede me ho bɛto Yehowa so?

• Ahotoso a mewɔ wɔ Yehowa mu no, mɛyɛ dɛn ahyɛ mu den nnɛ, ne daakye?

• Ahohiahia kɛse no mu no, ahotoso bɛn na metumi anya?—Luka 21:​25-28