Nkurɔfo a Wɔwɔ Adwenemhaw

EFI bere a Nicole dii mfirihyia 14 no, na otumi tra hɔ dinn a ɔnkasa obiara ho. Nanso bere a odii mfirihyia 16 no, onyaa nkate foforo bi—ɔtee nka sɛ wanya anigye ne ahoɔden soronko bi. Na otumi dwennwen nneɛma pii ho, kasa basabasa. Ne nnamfonom a na osusuw sɛ wosisi no no ho adwennwen bɛkaa nna a na ontumi nna no ho. Afei na Nicole kyerɛ sɛ obetumi akasa agu biribi so ma dekode no su asakra ayɛ sɛnea ɔpɛ. Eduu saa bere yi na Nicole maame hui sɛ Nicole hia ayaresa, enti ɔde no kɔɔ ayaresabea. Bere a nnuruyɛfo no yɛɛ Nicole tebea a na ɛtaa sakrasakra no mu nhwehwɛmu wiei no, wohuu nea ɛhaw no: Na Nicole anya adwenemyare a ɛma ɔyɛ ade tra so.a

Te sɛ Nicole no, nnipa ɔpepem pii na wɔwɔ wiase nyinaa a wɔwɔ nkate mu yare—sɛ ebia ɛyɛ adwenemyare a ɛma obi yɛ ade tra so anaa adwenemhaw foforo bi. Saa nyarewa yi tumi sɛe nneɛma pii. Obi a onyaa saa yare yi bi a wɔfrɛ no Steven ka sɛ: “Me ho yeraw me mfe pii. Ɛtɔ da a na mayɛ dinn, na bere foforo nso na manya anigye mmoroso. Yare no ho afotu a wɔde maa me, ne nnuru a mefae no boaa me, nanso na egye animia.”

Dɛn na ɛde nkate mu yare ba? Sɛ obi nya adwenemhaw anaa adwenemyare a ɛma ɔyɛ ade tra so a, ɛte dɛn? Ɔkwan bɛn so na wɔn a wonya yare no ne wɔn a wɔhwɛ wɔn no betumi anya mmoa a wohia no?

[Ase hɔ asɛm]