“Yehowa Ne Me Hwɛfo”

1. Yehowa ne me Hwɛfo pa;

Ɛno nti na minsuro.

Ɔno ne nea ɔhwɛ ne nguan yie;

Ne werɛ remfi wɔn da.

Ɔde me kɔ nsu pa ho,

Na ohyira me kra daa.

Ne din no nti ɔkyerɛ me kwan;

Mefa ɔkwantrenee so.

Ne din no nti ɔkyerɛ me kwan;

Mefa ɔkwantrenee so.

2. Menam esum kabii mu a,

Mɛnantew mu, minsuro.

Me Hwɛfo Kɛse no ka me ho;

Ne poma bɔ me ho ban.

Ɔde ngo sra me t’ri mu;

Me k’ruwa yɛ mã bu so.

N’adɔe bedi m’akyi daa nyinaa,

Ne fie na mɛtena daa.

N’adɔe bedi m’akyi daa nyinaa,

Ne fie na mɛtena daa.

3. Me Hwɛfo wɔ nyansa ne dɔ!

N’ayeyi dwom na mɛto.

Mɛka n’ayamye ho asɛm no,

Aky’rɛ ahobrɛasefo.

Mɛdi n’Asɛm so nokwarem,

Mɛnantew ne kwan so yie.

Hokwan a manya de resom no,

Mɛky’rɛ ho anisɔ daa.

Hokwan a manya de resom no,

Mɛky’rɛ ho anisɔ daa.