Papayɛ

1. Sua Yehowa papayɛ no,

Wubenya anigye daa.

Agya pa a ɔwɔ soro,

Ne papayɛ dɔɔso pii.

Ɔyɛ ɔdɔ, ohu mmɔbɔ

Ma ɛsen nea ɛsɛ yɛn.

Ɔno na ɔfata yɛn som;

Yɛde anigye som no.

2. Ne suban so na ɔbɔɔ yɛn;

Ɛsɛ sɛ yesuasua no.

Momma yennya ne su no bi,

Yɛbɛyɛ sɛ Nyankopɔn.

Momma yennya ne papayɛ;

Ɛne ne su no nyinaa.

Yɛbɛsrɛ Nyankopɔn honhom

Na yɛasow n’aba no bi.

3. Yɛne yɛn nuanom Kristofo,

Yɛyɛ abusua biako.

Yɛbɛyɛ wɔn papa kɛse,

Yɛbɛdɔ obiara nso.

Momma yɛnka Asɛmpa no

Mma wɔnnya anidaso.

Sɛ yɛkwati animhwɛ a,

Yɛn papayɛ bedi mũ.