Nnomaa Mpo ‘Nim Wɔn Bere’

NA TEBEA bi a ɛyɛ awerɛhow wɔ Israelfo mu wɔ Yeremia bere so. Na nnomaa mpo nneyɛe ye sen wɔn. Yɛkenkan sɛ: “Asukɔnkɔn a ɔwɔ wim po nim ne bere, aturukuku ne asomfena ne pokupoku wɛn wɔn ba bere, nanso me man nnim Awurade [Yehowa].”​—Yer. 8:7.

Bere a nnomaa te sɛ asukɔnkɔn, aturukuku, asomfena ne pokupoku wɛn wɔn bere no, Israelfo no ankyerɛ obu biara amma Yehowa ahyɛde. Wɔ nnomaa a wotu fi asase biako so kɔ foforo so mmere horow bi mu fam no, wɔn nkwa gyina akɔneaba a wodi no so. Saa nso na na Israelfo no nkɔso ne wɔn yiyedi gyina Yehowa ahyɛde so a wobedi so. Nanso Israelfo no anni so, na enti wɔanna suban pa a nnomaa a wonni adwene a wodi bere a wɔde tu kɔ baabi foforo so no yi adi kyerɛ no adi.