Mmofra Afã

Sɛnea Wɔko Tia Sɔhwɛ

YOSEF—ƆFÃ 1

Akwankyerɛ: Pɛ baabi a ɛhɔ yɛ komm tena na kenkan Bible no fa bua nsɛmmisa yi. Bere a worekenkan kyerɛw nsɛm no, fa no sɛ wowɔ hɔ na asɛm no sii. Twa nea ɛkɔɔ so no ho mfonini. Tie nsɛm a na wɔreka no. Hu sɛnea wɔn a wɔwom no te nka fa.

Wɔn a wɔwom: Yosef ne Potifar yere

Nsɛm a wɔabɔ no mua: Yosef ko tiaa sɔhwɛ a na ɛbɛma ɔne Potifar yere ada.

1 DWINNWEN NEA ESII NO HO.—KENKAN GENESIS 39:1-12.

Twa Potifar fie no ho mfonini wɔ w’adwenem na kyerɛkyerɛ sɛnea ɛsõ na ɛhɔ yɛ fɛ no mu.

․․․․․

Wohwɛ a na Yosef ahoɔfɛ te dɛn? (Nea ɛbɛboa wo: Hwɛ nkyekyɛm 6.)

․․․․․

Wohwɛ a, ɛnne bɛn na Yosef de kasa kyerɛɛ Potifar yere no wɔ nkyekyɛm 8 ne 9?

․․․․․

2 DWINNWEN HO KƆ AKYIRI.

Dɛn na anka ebetumi ama Yosef agyae ne ho mu ama ɔbrasɛe? (Nea ɛbɛboa wo: Kenkan Filipifo 2:12, na dwinnwen Yosef tebea no ho hwɛ. Sɛ nhwɛso no, na Yosef abusuafo ne ne mfɛfo a wɔsom Yehowa no wɔ he saa bere no?)

․․․․․

Wususuw sɛ dɛn nti na na Yosef te nka sɛ ɛbɛyɛ bɔne a etia Onyankopɔn sɛ obi bɛsɛe aware bere a na saa bere no Onyankopɔn nhyɛɛ ho mmara biara no? (Nea ɛbɛboa wo: Kenkan na dwinnwen kyerɛw nsɛm a edidi so yi ho: Genesis 2:24; 12:17, 18; Romafo 2:14, 15; ne Hebrifo 5:14.)

․․․․․

3 FA NEA WUSUAE NO YƐ ADWUMA. KYERƐW NEA WUSUAE WƆ NEA EDIDI SO YI HO . . .

Abusuabɔ a ɛda ahosodi ne nidi ntam

․․․․․

Mfaso a wɔn a wɔde Onyankopɔn abrabɔ ho gyinapɛn bɔ wɔn bra no nya.

․․․․․

Sɛnea ehia sɛ wotete ‘w’adwene.’ (Hebrifo 5:14)

․․․․․

AKWAN FOFORO A WUBETUMI DE ADI DWUMA.

Sɛ ɛba sɛ ɛsɛ sɛ woko tia ɔbarima ne ɔbea nna mu sɔhwɛ a, nneɛma bɛn mu na wubetumi asi ho gyinae denneennen? (Nea ebetumi aboa: Kenkan na dwinnwen Hiob 31:1; Dwom 119:37; Efesofo 5:3, 4 ho.)

․․․․․

4 ASƐM YI FÃ BƐN NA W’ANI GYE HO PAA, NA DƐN NTIA?

․․․․․

Sɛ wunni Bible a, bisa Yehowa Adansefo, anaa kenkan wɔ intanɛt so wɔ www.watchtower.org