BIBLE NSƐMMISA HO MMUAE
Kristo mmae no atirimpɔw ne sɛn?
Ansa na Yesu Kristo rekɔ soro afe 33 Y.B. no, ɔhyɛɛ bɔ sɛ ɔbɛsan aba. Ɔmaa mfatoho bi kyerɛe sɛ ɔte sɛ ɔdehye bi a otuu kwan kɔhyɛɛ mu kyɛe, na ɔsan bae no, na wanya tumi a ɔde rebedi hene. Enti Yesu mmae no atirimpɔw ne sɛ, ɔde aban papa rebrɛ nnipa.—Kenkan Luka 19:11, 12.
Yesu de aban papa bɛbrɛ nnipa
Nipadua bɛn na na Kristo de bɛba? Owui no, Onyankopɔn nyanee no ma ɔbɛyɛɛ honhom abɔde a yɛmfa yɛn ani nhu no. (1 Petro 3:18) Afei ɔkɔɔ soro kɔtenaa Onyankopɔn nsa nifa. (Dwom 110:1) Akyiri yi, Yehowa Nyankopɔn, “Nea ne nna akyɛ” no, maa Yesu begyinaa n’anim, na ɔmaa no tumi a ɔde bedi nnipa so. Enti Yesu ansan amma sɛ onipa; mmom ɔbae no, na ɔyɛ Ɔhene wɔ soro.—Kenkan Daniel 7:13, 14.
Sɛ Yesu san ba a, dɛn na ɔbɛyɛ?
Sɛ Yesu san ba a n’abɔfo ka ne ho a, obebu nnipa atɛn. Ɔbɛsɛe amumɔyɛfo, na wɔn a wogye no tom sɛ Ɔhene no, wama wɔn daa nkwa.—Kenkan Mateo 25:31-33, 46.
Sɛ Yesu bedi asase so hene a, ɔbɛma asase adan paradise. Obenyan awufo asan aba nkwa mu abɛtena saa Paradise asase no so ma wɔn ani agye.—Kenkan Luka 23:42, 43.