Amane a Worehu No, Onyankopɔn Te Nka Sɛn Wɔ Ho?

Ebinom gye di sɛ yehu amane a, Onyankopɔn nhu na ɛmfa ne ho nso.

HWƐ NEA BIBLE AKA

• Onyankopɔn hu na odwen wo ho

  “Yehowa hui sɛ onipa de abɔnefosɛm ahyɛ asase so mã, . . .  na odii awerɛhow ne komam.”—Genesis 6:5, 6.

• Onyankopɔn bɛma amanehunu nyinaa to atwa

  “Aka kakraa bi na ɔdebɔneyɛfo nni hɔ bio; na wohwehwɛ ne tenabea a, na onni hɔ. Na ahobrɛasefo benya asase no adi, na wɔagye wɔn ani asomdwoe bebree mu.”—Dwom 37:10, 11.

• Nea Onyankopɔn pɛ sɛ wunya

  “‘Me ara minim adwene a madwen mo ho,’ Yehowa asɛm ni, ‘ɛyɛ asomdwoe adwene, na ɛnyɛ mmusu, sɛ mɛma mo daakye ne anidaso. Mobɛfrɛ me, na mobɛba abɛbɔ me mpae, na metie mo.’”—Yeremia 29:11, 12.

  “Mommɛn Onyankopɔn na ɔbɛbɛn mo.”—Yakobo 4:8.