Asemmisa Afã

● Nhoma abien bɛn na ɛsɛ sɛ wɔne Bible adesuafo afoforo sua?

Wɔ bere bi mu no yɛakamfo akyerɛ sɛ ɛsɛ sɛ wɔn a wɔne afoforo yɛ Bible adesua no wie Asafo nhoma ahorow abien sua sɛnea ɛbɛyɛ a osuani no benya hokwan pii de anya nokware no ho nimdeɛ a edi mu. Yɛte nka sɛ ɛnyɛ te nko na ɛsɛ sɛ osuani no te Bible no nkyerɛkyerɛ atitiriw no ase na mmom ɛsɛ sɛ ɔte nea Bible no kyerɛkyerɛ wɔ abrabɔ pa gyinapɛn ahorow, Kristofo asetra ne nsɛm a ɛtete saa ho no nso ase. Yɛte nka sɛ ɛsɛ sɛ nhyehyɛe yi kɔ so ara. Yɛpɛ sɛ yɛyɛ nea yebetumi biara de siesie yɛn adesuafo yi ma nea ɛreba, na yɛma wonya Yehowa atirimpɔw ne Kristofo gyinapɛn a ɛkorɔn ne ahiade ahorow ho nkyerɛkyerɛ pa. Sɛ moansua nhoma ahorow abien anwie na osuani no gye asubɔ a, ɛnde ɛbɛyɛ papa sɛ motoa adesua no so wɔ n’asubɔ no ɛkyi. Ɔdawurubɔfo no betumi abu nnɔnhwerew, sankɔhwɛ ne adesua no ho akontaa kosi sɛ wobewie nhoma a ɛto so abien no.

Sɛ nhoma foforo You Can Live Forever in Paradise on Earth no na mode reyɛ adesua no a, ɛnde nhoma a ɛto so abien no betumi ayɛ “Let Your Kingdom Come” no. Sɛ nea edi kan a moresua no ne “Let Your Kingdom Come” a, ɛnde nea ɛto so abien no betumi ayɛ Live Forever nhoma no. Mmom, wɔ kasa horow a yenni nhoma a ɛwɔ atifi hɔ no bi wom mu no, ɛsɛ sɛ anuanom de nea wɔwɔ di dwuma.