Nea Yɛbɛka Afa Nsɛmma Nhoma Ho

Ɔwɛn-Aban Jan. 15

“Esiane mogyahwiegu bebrebe a akɔ so nti, so wususuw sɛ bɔne adi papa so nkonim? [Ma ommua.] Hyɛ nea Bible ka fa Onyankopɔn ho no nsow. [Kenkan Dwom 83:18b.] Esiane sɛ Onyankopɔn ne Ɔsorosoroni wɔ asase so nti, so bɔne betumi adi nkonim ankasa? [Ma ommua.] Saa Ɔwɛn-Aban yi de asɛmmisa no ho mmuae a ɛma abotɔyam ma.”

Nyan! Jan. 22

“Yɛn ahobammɔ ho aba asɛm sen bere biara. Ade a ɛrehaw ɔmanfo adwene kɛse ne biribi a wɔfrɛ no korɔn a wɔbɔ wɔ obi din mu no. So woate ho asɛm? [Ma ommua.] Bible hyɛ bɔ sɛ bere bi bɛba a asase yi bɛde ne ho afi nneɛma a ɛde yɛn ahobammɔ to asiane mu nyinaa ho. [Kenkan Yesaia 11:9.] Engiresi Nyan! yi kyerɛkyerɛ ɔkwan a eyi bɛfa so aba no mu.”

Ɔwɛn-Aban Feb. 1

“Adwuma a wonnya nyɛ ho asɛm haw nnipa pii nnɛ, na afoforo wɔ nhyɛso kɛse ase wɔ adwumam. So wususuw sɛ wubetumi anya anigye ne ahobammɔ wɔ adwumam? [Ma ommua. Afei kenkan Yesaia 65:21-23.] Saa Ɔwɛn-Aban yi ka bere bi a nnipa nyinaa benya adwuma a abotɔyam wom ayɛ ho asɛm.”

Nyan! Feb. 8

“Nyan! yi bɔ awerɛhosɛm bi a ɛrekɔ so wɔ yɛn bere yi so—mmofra tutuusi—ho amanneɛ. Saa ayayade a wɔde yɛ mmofra yi yɛ biribi a Bible hyɛ bɔ sɛ ebefi hɔ nnansa yi ara. [Kenkan Mmebusɛm 2:21, 22.] Nsɛmma nhoma yi kyerɛ dekode a ɛma wɔyɛ mmofra ayayade a ɛte saa ne ɔkwan a ɛbɛfa so afi hɔ.”