Amantam ne Amanaman Ntam Nhyiam Kanyan Yɛn Ma Yɛhyɛ Onyankopɔn Anuonyam!
“Monhyɛ Onyankopɔn Anuonyam” Amantam ne Amanaman Ntam Nhyiam a wɔayɛ besi saa bere yi no adi adanse kɛse. Saa teokrase dwumadi atitiriw yi ahyɛ Yehowa din anuonyam, na ama yɛanya hokwan pii de ‘Yehowa din anuonyam ama no.’ (Dw. 96:8) Nokwarem, ɔfata sɛ wɔhyɛ no anuonyam esiane n’adebɔ nnwuma a ɛyɛ nwonwa a ɛda ne su nwonwaso no adi no nti.—Hiob 37:14; Adi. 4:11.
Bere a wode nsɛmmisa a edidi so yi ne w’ankasa kyerɛwtohɔ a woyɛe redi dwuma no, siesie wo ho na fa wo ho hyɛ ntĩmu a wɔbɛyɛ wɔ February 16 dapɛn no mu no mu.
1. Ɔkwan bɛn so na abɔde a nkwa nnim ka Onyankopɔn anuonyam kyerɛ, na ɔkwan bɛn so na ɛno da nsow wɔ ɔkwan a nnipa fa so yi no ayɛ no ho? (Dw. 19:1-3; efi asɛm, “Abɔde Ka Onyankopɔn Anuonyam Kyerɛ” mu)
2. Dɛn ho mfonini na ahosakra no yɛ, na ɔkwan bɛn so na mmamu a eyi anya no kanyan Kristofo a wɔwɔ hɔ nnɛ? (efi nhyiam asɛmti ho ɔkasa, “Nkɔmhyɛ Kwan So Anuonyam Anisoadehu Ahorow Kanyan Yɛn!” mu)
3. Ɔkwan bɛn so na yebetumi asua odiyifo Daniel ahobrɛase no bi, na mfaso bɛn na yebenya afi so? (Dan. 9:2, 5; 10:11, 12; efi asɛm “Wɔayi Yehowa Anuonyam Akyerɛ Ahobrɛasefo” mu)
4. (a) Nneɛma abiɛsa a ɛfa Onyankopɔn atemmu ho bɛn na yebetumi asua afi Amos nkɔmhyɛ no mu? (Amos 1:3, 11, 13; 9:2-4, 8, 14) (b) Asuade a mfaso wɔ so bɛn na Yehowa Adansefo a wɔwɔ hɔ nnɛ betumi anya afi kɔkɔbɔ nhwɛso a ɛwɔ Amos 2:12 no mu? (efi ɔkasa a wɔakyekyɛm “Amos Nkɔmhyɛ No—Emu Nsɛm a Ɛfa Yɛn Bere Yi Ho” mu)
5. (a) Sɛ obi nom nsa na wammow mpo a, dɛn ne asiane ahorow a ɛwɔ asanom bebrebe mu? (b) Ɔkwan bɛn na wɔbetumi afa so adi asanom bebrebe so? (Marko 9:43; Efe. 5:18; efi asɛm, “Kwati Asabow Ho Afiri No” mu)
6. Ɔkwan bɛn so na worenya nhoma foforo ‘Hwɛ Asase Pa No’ so mfaso? (efi asɛm, “‘Asase Pa No’—Ɛyɛ Paradise Nsusuwso” mu)
7. Akwan abiɛsa bɛn na yebetumi afa so ‘ada Yehowa anuonyam adi sɛ ahwehwɛ’? (2 Kor. 3:18; efi asɛm, “Momma Yɛnna Yehowa Anuonyam Adi Sɛ Ahwehwɛ” mu)
8. Hena na ɔhyɛ ɔtan hunu akyi, na dɛn na ebetumi aboa yɛn ma yɛakura yɛn mũdi mu a saa ɔtan no a yehyia mfa ho? (Dw. 109:1-3; efi asɛm, “Wɔtan Wɔn Kwa” mu)
9. Dɛn ne Kristo adwene wɔ kɛseyɛ ho, na ɛbɛyɛ dɛn na obi atumi ahu sɛ ohia nkɔanim pii wɔ saa su yi mu? (Mat. 20:20-26; efi asɛm, “Adwene a Kristo Kura Wɔ Kɛseyɛ Ho a Yebenya” mu)
10. Dɛn na ebetumi aboa yɛn na yɛakɔ so ayɛ den wɔ honhom fam ɛmfa ho sɛ yɛayɛ mmerɛw wɔ honam mu? (efi asɛm “Yɛabrɛ, Nanso Yɛmpaa Abaw” mu)
11. Akwan a Satan fa so trɛw atosɛm mu no bi ne dɛn, na dɛn ne Kyerɛwnsɛm kwan a ɛfata a yebetumi de agyina mmɔden a wɔbɔ sɛ wɔbɛsɛe yɛn gyidi no ano? (Yoh. 10:5; efi asɛm, “Hwɛ Yiye Wɔ ‘Ananafo Nne’ Ho” mu)
12. (a) Awofo bɛyɛ dɛn atumi adi Yesu nhwɛso a wɔayɛ ho kyerɛwtohɔ wɔ Marko 10:14, 16 no akyi? (b) Dɛn na w’ani gye ho wɔ nhoma foforo Suasua Ɔkyerɛkyerɛfo Kɛse No ho? (efi asɛm, “Yɛn Mma—Agyapade a Ɛsom Bo” mu)
13. Ɔkwan bɛn so na mmabun reyi Yehowa ayɛ? (1 Tim. 4:12; efi asɛm, “Sɛnea Mmabun Reyi Yehowa Ayɛ” mu)
14. Dɛn na wokae no yiye wɔ drama, “Wodii Adanse Akokoduru So a Ɔsɔretia Mfa Ho” no mu?
15. Yɛbɛyɛ dɛn asuasua nhwɛso a wɔn a wodidi so yi yɛe no? (a) Petro ne Yohane (Aso. 4:10) (b) Stefano (Aso. 7:2, 52, 53) (d) afeha a edi kan Kristofo asafo no. (Aso. 9:31;efi drama ne ɔkasa “Monka Asɛmpa no a ‘Munnyae’” mu)
16. (a) Yɛbɔɔ yɛn tirim sɛ yɛbɛhyɛ Onyankopɔn anuonyam wɔ akwan bɛn so? (b) Dɛn na yebetumi anya mu awerɛhyem bere a yɛde nea yesuae wɔ “Monhyɛ Onyankopɔn Anuonyam” Amantam Nhyiam ase no redi dwuma no? ( Yoh. 15:9, 10, 16; efi asɛm, “‘Monkɔ So Nsow Aba Pii’ Mfa Nhyɛ Yehowa Anuonyam” mu)
Sɛ yedwennwen honhom fam akwankyerɛ a wɔde mae wɔ ɔmantam nhyiam no ase no ho a, ɛbɛkanyan yɛn ma yɛde nea yesuae no adi dwuma. (Fil. 4:8, 9) Eyi bɛhyɛ yɛn bo a yɛasi sɛ yɛbɛyɛ ‘biribiara de ahyɛ Onyankopɔn anuonyam’ no mu den.—1 Kor. 10:31.