Anuanom mmea bi de Asɛmpa nhomawa no reyɛ asɛnka adwuma wɔ Madagascar
Nsɛm a Yebetumi Aka
ƆWƐN-ABAN
Asɛmmisa: Sɛ nnipa a wɔwɔ wiase nyinaa de Bible mu asɛm yi rebɔ wɔn bra a, wohwɛ a anka asetena bɛyɛ dɛn?
Kyerɛwsɛm: Heb 13:18
Wubetumi Aka Sɛ: Bible hyɛ yɛn nkuran sɛ yenni nokware wɔ biribiara mu. Enti nokwaredi ka yɛn asetena afã nyinaa. Ɔwɛn-Aban yi ka nokwaredi ho asɛm.
ƆWƐN-ABAN (akyi)
Asɛmmisa: Mesrɛ wo, mepɛ sɛ mihu w’adwene wɔ asɛm yi ho. [Bisa a asɛm a edi kan no.] Ebinom gye di sɛ yewu a, yɛkɔtoa abrabɔ so wɔ baabi foforo. Ebinom nso gye di sɛ yewu a, na asa. Wo nso, dɛn na wugye di?
Kyerɛwsɛm: Ɔsɛ 9:5
Wubetumi aka sɛ: Wokenkan asɛm yi a, wubehu nea Bible ka fa owu ho. Mepɛ sɛ mede nhoma yi gyaw wo na wokenkan. Akyiri yi, metumi aba ma yɛasusuw ho.
ASƐMPA A EFI ONYANKOPƆN HƆ!
Wubetumi Aka Sɛ: Yɛfaa ha sɛ yɛrebɛka akyerɛ wo sɛ yɛne nkurɔfo sua Bible a wontua hwee. Nhoma yi bɛboa wo ma woahu baabi a wubenya nsɛmmisa a ɛho hia paa no ho mmuae wɔ wo Bible mu.
Asɛmmisa: Woakenkan Bible pɛn? Ne sua nyɛ den koraa. Wo de, ma memfa nhoma yi nkyerɛ wo sɛnea yesua no. [Munsusuw asɛmmisa 1 a ɛwɔ adesua 2 mu no ho.]
Kyerɛwsɛm: Adi 4:11
KYERƐW NEA W’ANKASA WOBƐKA
Hwɛ nsɛm a yebetumi aka no so na wo ankasa kyerɛw nea wobɛka.