Ester Kyerɛe sɛ Odwen Yehowa ne Ne Manfo Ho

Ester de akokoduru ko maa Yehowa ne Ne manfo

8:3-5, 9

• Ná Ester ne Mordekai anya wɔn ti adidi mu. Nanso na mmara a Haman ahyɛ sɛ wonkunkum Yudafo nyinaa no retrɛw kɔ ahemman no mu baabiara

• Ester san de ne nkwa too asiane mu kɔɔ ɔhene no anim bere a na ɔntoo nsa mfrɛɛ no. Osuu ne nkurɔfo, na ɔsrɛɛ ɔhene no sɛ ontwa mmara a ɛyɛ hu no mu

• Ná wɔnsakra mmara a wɔahyɛ wɔ ɔhene no din mu. Enti ɔhene no maa Ester ne Mordekai tumi sɛ wɔnhyɛ mmara foforo

Yehowa maa ne manfo dii nkonim kɛse

8:10-14, 17

• Wɔhyɛɛ mmara foforo, na ɛmaa Yudafo no nyaa kwan ko peree wɔn nkwa

• Apɔnkɔsotefo yɛɛ ntɛm kɔkaa asɛm no kyerɛe wɔ ahemman no mu baabiara. Ɛmaa Yudafo no siesiee wɔn ho maa ɔko no

• Nnipa pii huu adanse a ɛkyerɛ sɛ Onyankopɔn wɔ Yudafo no afã, na wɔsakra baa Yudasom mu