Ngodua Ho Mfatoho No

11:16-26

Sɛnkyerɛnne kwan so ngodua no afã ahorow no gyina hɔ ma dɛn?

• Dua no: egyina hɔ ma Onyankopɔn atirimpɔw a ɛfa Abraham apam no mmamu ho

• Dutan no: egyina hɔ ma Yesu a ɔne Abraham aseni no fã titiriw no

• Nnubaa no: egyina hɔ ma wɔn a wɔyɛ Abraham aseni no fã a ɛto so mmienu no nyinaa

• Nnubaa a “wobubu fii so” no: egyina hɔ ma honam fam Yudafo a wɔpoo Yesu no

• Nnubaa a ‘wɔde bɛtɛw ho’ no: egyina hɔ ma Kristofo a wɔasra wɔn a wɔnyɛ Yudafo no

Sɛnea wɔahyɛ ho nkɔm no, Yesu ne 144,000 a wɔka bom yɛ Abraham aseni no de nhyira bɛbrɛ “asase so aman nyinaa.”—Ro 11:12; Ge 22:18

Mehwɛ sɛnea Yehowa maa n’atirimpɔw a ɛfa Abraham aseni ho no baam no a, dɛn na metumi asua afa no ho?